![](https://panorama.am/news_images/1008/3023547_1/f66815e756c54c_66815e756c58c.thumb.png)
Դիարբեքիր նահանգի Սուրի շրջանի Սուրբ Սարգիս հայկական եկեղեցին կվերականգնվի
Թուրքիայի արևելյան հատվածում գտնվող Դիարբեքիր նահանգի Սուրի շրջանի Ալի Փաշա թաղամասում գտնվող Սուրբ Սարգիս հայկական եկեղեցին կվերականգնվի: Այդֆ մասին հայտնում է ermenihaber.am։
«Հունիսի 28-ին Պոլսո Հայոց պատրիարքարանի կողմից մեկնարկել են 508 տարվա պատմություն ունեցող եկեղեցու վերականգնման աշխատանքները:
Այդ նպատակով Թուրքիայի մշակույթի նախարարությունը հատկացրել է միայն 5 մլն լիրա, չնայած այն բանին, որ ըստ հաշվարկների, վերականգման համար ևս 2 մլն դոլար է անհրաժեշտ:
Աշխատանքները մեկնարկել են Պոլսո Հայոց պատրիաք Սահակ Բ Մաշալյանի բարձրացրած աղոթքից հետո։
Նշենք, որ եկեղեցին Օսմանյան կայսրության տարիներին ծառայեցվել է որպես արհեստագործական դպրոց: Հայոց Ցեղասպանության ոճրագործությունից՝ 1915-ից հետո, եկեղեցին ո՛չ կրոնական, և ո՛չ այլ նպատակների համար չի օգտագործվել և այժմ գտնվում է ավերված վիճակում»,-ասվում է լուրում:
Հարակից հրապարակումներ`
Լրահոս
Տեսանյութեր
![«Ոսկե ծիրան» կինոփառատոնը լի է բազմաթիվ անակնկալներով](https://panorama.am/video_images/17/49883_1/f6685309dbca8b_6685309dbcacf.jpg)
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)