Ձեր վստահելի աղբյուրը

«Որ պահին աշխարհը որոշեց, որ Արցախի էջը փակված է, կբացվի Սյունիքի էջը, կշրջվի Սյունիքի էջը՝ բացվելու է Գեղարքունիքի էջը, այսինքը սա անվերջ պարտության շղթա է՝ մինչև լիակատար ոչնչացում»,- Սուրբ Աննա եկեղեցու բակում ունեցած ելույթում ասաց վերլուծաբան Կարեն Բեքարյանը և նշեց, որ պետք է սեփական երկրի օրակարգը, կարմիր գծերը սահմանող նորմալ իշխանություն ունենալ, որպեսզի խնդիրները լուծվեն։

Նրա խոսքով, եթե դրանք սահմանված լինեն՝ Հայաստանը միջազգային գործընկերների պակաս չի ունենա։

«Մարդը, որն ասում էր. «Արցախը Հայաստան է ու վերջ», այսօր ասում է. «Արցախն Ադրբեջան է ու վերջ»։ Ո՞րն է ձեր երաշխիքը, որ այս մարդը այդ 29743 ք/կմ-ին տեր է լինելու։ Այդ մարդն այդ երաշխիքի չլինելն ապացուցել է անձամբ՝ իր հայտարարության լրիվ հակառակն անելով, ինչի վրա է հույսներս»,-ասաց Բեքարյանը և նշեց, թե ուզում է հասկանալ, թե այն մարդիկ, որոնք տանից հետևում են Սրբազան շարժման, որպես ինչ-որ ֆուիտբոլի խաղի՝ հույսները ինչի՞ վրա է դրել։

Նա նշեց, որ եթե բանը բանից անցավ, ապա այդ անտարբեր մարդիկ չեն հասցնի նույնիսկ հասնել ինքնաթիռին, որպեսզի փախչեն Հայաստանից։

«Հիմա կա շարժում, գլխին կանգնած Սրաբազան, էլ ինչի՞ն եք սպասում, որտեղի՞ց է վաղվա անհոգ ապերլու հույսը՝ սրանց խոսքի վրա՞... Այս մարդիկ էլ ինչպես ապացուցեինք, որ իրենց խոսքը 0 արժեք ունի»,- ասաց Բեքարյանը և շեշտեց, որ պարտադրանքի տակ խաղաղություն չի կնքվում, այլ այն տանում է լիակատար կապիտուլյացիայի կամ պատերազմի։

«Կրկնում եմ՝ շուռ կտան Արցախի էջն, արդեն կիսաբաց սպասում են մյուս էջերը»,- խոսքն ավարտեց Կարեն Բեքարյանը։