Ձեր վստահելի աղբյուրը

«Մեր հաջորդ հանդիպումը տեղի կունենա  հուլիսի 5-ին՝ ժամը 19:30-ն Սահմանադրության օրը, Սուրբ Աննա եկեղեցու բակում»,-այսօր հավաքի ավարտին հայտնեց Բագրատ Սրբազանը՝ նշելով որ այդ օրը շատ կարևոր է , որովհետև երկիրը գտնվում է  հակասահմանադրական գործողություններով, մոլուցքի մեջ ապրող չարիքի ծնած իրականության մեջ։

Սրբազանը կարևորեց, որ Սահմանադրության օրն արժևորեն,  գնահատեն, և վերաբերմունք հայտնեն մայր փաստաթղթի նկատմամբ։

«Գնահատականները տարբեր կարող են լինել, բայց Սահմանադրությունը մեր երկրի մայր օրենքն է»,- ասաց Սրբազանը։

Նա հայտարարեց նաև՝ պայքարը շարունակվելու է՝ մինչև չարիքն արմատախիլ արվի մեր երկրից։

«Այս պայքարը յուրաքանչյուրի համար պետք է լինի անձնական՝ հաց ուտելու, ջուր խմելու.օդ շնչելու պես»,-ասաց Սրբազանը և հավելեց. «Այս պայքարի թիրախը մամոնային ներկայացուչին հեռացնելն է, չարին տապալելն է, մահը վերացնելն է, դժբախտությունը վերացնելն է»։