![](https://panorama.am/news_images/1008/3023873_1/933aeea9412d8fad0a353421322637d9_v1.thumb.jpg)
Ներկայացված նախագծերը հավանության են արժանացել
Տեղի է ունեցել ՀՀ ԿԳՄՍՆ պատմության և մշակույթի մոնումենտալ հուշարձանների պահպանության հարցերով զբաղվող աշխատանքային խմբի 2024 թվականի երկրորդ նիստը:
ԿԳՄՍ նախարարության հաղորդմամբ, նիստին քննարկվել են Շիրակի մարզի Հառիճ գյուղի Հառիճավանք վանական համալիրի գավիթից Սբ Աստվածածին եկեղեցու արևմտյան մուտքի վերնամասում պահպանված որմնանկարների մակերեսի մաքրման և ամրակայման լրամշակված նախագիծը, Լոռու մարզի Ախթալա գյուղի Ախթալա վանական համալիրի Սբ․ Աստվածածին եկեղեցու հարավային պատի՝ երկրորդ ռեգիստրի երկրորդ շերտից պահպանված, 1977-1978 թթ․ ապամոնտաժված և նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի պահոցում գտնվող հատվածերի ամրակայման և կոնսերվացման, Երևան քաղաքի Նորագավիթ վարչական շրջանի Սբ Գևորգ եկեղեցու 19-րդ դարի որմնանկարների ամրակայման և վերականգնման աշխատանքային նախագծերը։
Ներկայացված բոլոր նախագծերը, ընդհանուր առմամբ, հավանություն են ստացել աշխատանքային խմբի կողմից՝ մասնագետների առաջարկների և դիտողությունների հիման վրա նախագծերում մասնակի փոփոխություններ կատարելու պայմանով։
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)