![](https://panorama.am/news_images/1008/3023882_1/449177237_8226282514063086_5578882963264311133_n_e1719827985351.thumb.jpg)
Ռուսները ռադիոէլեկտրոնային հետախուզական կայան են տեղակայել Գրեմիսխևիում
Վրաստանի Մցխեթա-Մթիանեթիի շրջանի Գրեմիսխևի գյուղի բարձրադիր մասում ռուսները ռադիոէլեկտրոնային հետախուզության հատուկ կայան են տեղակայել։ Aliq.ge-ի փոխանցմամբ՝ այս մասին տեղեկացրել է «Հակաօկուպացիոն շարժման» հիմնադիր Դավիթ Քացարավան:
Ըստ նրա՝ սա ոչ նոր բազայի կառուցման, ոչ էլ նոր անցակետի ստեղծման մասին է վկայում, այլ ակնհայտորեն նշանակում է նրանց ռազմա-ինժեներական ենթակառուցվածքի զարգացում։
«Ռուսները կանգ չեն առնում: Այս անգամ նրանք Գրեմիսխևիի վերևում ռադիոէլեկտրոնային հետախուզության հատուկ կայան են կազմակերպել, որն օգտագործվում է որպես հատուկ հետախուզական մեքենայի կայանման վայր։ Ամբողջ գծի երկայնքով այս տիպի բազմաթիվ հատուկ կայաններ կան»,- գրել է Քացարավան՝ կից ներկայացնելով լուսանկարներ:
Լրահոս
Տեսանյութեր
![Սուրենյան. Հայաստանին մոտենում է հերթական ցիկլոնը](https://panorama.am/video_images/17/49869_1/f6683d660d4d69_6683d660d4daa.jpg)
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)