![](https://panorama.am/news_images/1009/3024545_1/6792c6a7_bd7b_411a_953c_bd931e47f486.thumb.jpg)
Վանաձորի Աբելյանի անվան թատրոնի նոր ներկայացումը՝ «անսովոր» միջավայրում
Վանաձորի Հովհաննես Աբելյանի անվան պետական դրամատիկական թատրոնում պրեմիերա է նախատեսված, բայց անսովոր պայմաններում է այն ներկայացվելու։ «Մեկ գավաթ էնդորֆին» կատակերգությունը կցուցադրվի ոչ թե թատրոնում, այլ Վանաձորի Կառլոս Աբովյանի անվան կերպարվեստի թանգարանում։
«Ներկայացումը որոշեցինք խաղալ պատկերասրահում մի քանի պատճառներով։ Առաջինը՝ ամռան ամիսներին դժվար է հանդիսատեսին նստեցնել դահլիճում և ստիպել ներկայացում նայել, հանդիսատեսին հետաքրքրում են նոր ու անսպասելի մոտեցումներ, որոնք որ նոր էմոցիաներ, սպասելիքներ կառաջացնեն։
Երկրորդը՝ պատկերասրահում հնարավորություն ենք ունենում բացի ներկայացում, նաև ներկայացնել գեղանկարներ, և մինչ ներկայացումը հանդիսատեսը արդեն իսկ իրեն զգում է բոհեմական միջավայրում»,- Panorama.am-ին ասաց ներկայացման ռեժիսոր Ժիրայր Գաբրիելյանը։
Նա նաև նշեց, որ ներկայացումը խաղում են կենդանի ետնապատի դիմաց, այսինքն ներկայացման ընթացքում հանդիսատեսը պատկերասրահում կարողանում է նաև տեսնել ու զգալ քաղաքի անցուդարձը, տրամադրությունը ու եղանակը, ինչ էլ ավելի է կենդանացնում ու իրականությանը մոտ դարձնում ներկայացումը։
«Մեկ գավաթ էնդորֆին» կատակերգության առաջնախաղը կլինեն հուլիսի 23-ին, այնուհետև հուլիսի 25-ին, 29-ին, 30-ին և 31-ին։ Նախ կլինի շրջայց պատկերասրահում, գինու հյուրասիրություն, գինու համտեսի վարպետաց դաս և Կողբի բնաշխարհի գեղարվեստական գործերի ցուցադրություն, ապա՝ ներկայացման դիտում։
Ըստ Հերբերտ Բերգերի «Մեկ գավաթ էնդորֆին» կատակերգության (18+) բեմադրիչն է Ժիրայր Գաբրիելյանը, երաժշտական ձևավորումը` Հրանտ Վարդումյանի, պարերը` Արման Սաքանյանի։ Դերերում` Արման Սաքանյան, Մարիամ Ղևոնդյան, Էդգար Քոչարյան, Նոնա Սաֆարյան, Էդգար Բարսեղյան։
Հարակից հրապարակումներ`
- Աբելյանցիները՝ Պատանի հանդիսատեսի թատրոնի բեմում
- Այսօր դժվար է հետաքրքրել մանուկ հանդիսատեսին, ինչը Վանաձորի Աբելյանի անվան թատրոնին հաջողվել է
- Պրեմիերա՝ Վանաձորի Աբելյանի անվան թատրոնում
- Վանաձորի Աբելյանի անվան թատրոնը պատրաստվում է մանկական ներկայացման առաջնախաղի
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)