![](https://panorama.am/news_images/1009/3024573_1/f66850ccca83ea_66850ccca8433.thumb.jpg)
Տյումենից Երևան թռչող Boeing-738-ը տեխնաիկական անսարքության պատճառով 2 ժամ օդում պտտվելուց հետո հետ է վերադարձել
Utair ավիաընկերության Տյումեն-Երևան թռչող Boeing-738-ի ավտոպիլոտը խափանվել է, և ինքնաթիռը վերադարձել է մեկնման օդանավակայան։ «Uralinform.ru»-ի փոխանցմամբ, այդ մասին հայտնում է Ուրալի տրանսպորտի դատախազության մամուլի ծառայությունը։
«Օդանավի անձնակազմը թռիչքից հետո հայտնել է օդանավի տեխնիկական անսարքության (ավտոպիլոտի խափանում) և մեկնման օդանավակայան վերադառնալու որոշման մասին։
Մեկնումը տեղի է ունեցել Տյումենի ժամանակով 06.18-ին, և ինքնաթիռը բարեհաջող վայրէջք է կատարել 08.43-ին։
Թռիչքի հետ կապված իրավիճակը վերահսկվում է Ուրալի տրանսպորտի դատախազության կողմից»,- ասվում է հաղորդագրության մեջ։
«Զվարթնոց» օդանավակայանի Հանրային կապերի պատասխանատու Լուսինե Մողրովյանը Panorama.am-ին հայտնեց. «Չվերթի կարգավիճակի հետ կապված ասեմ, որ այն «Զվարթնոց» օդանավակայան պետք է վայրէջք կատարեր 08։50 րոպեին, բայց այժմ փոխել է ժամը 15։10-ին։
Utair ավիաընկերության տված տեղեկատվության համաձայն այդ չվերթի կարգավիճակը պարբերաբար փոփոխվում է, մինչ այդ «Զվարթնոց» օդանավակայան վայրէջքը սահմանվել էր ժամը 13։30-ին, և դա էլ փոխվեց և պարբերաբար թարմացվում է։ Չվերթի վերաբերյալ ստույգ տեղեկատվությունը թարմացվում է «Զվարթնոց» օդանավակայանի պաշտոնական կայքում»։
Հարակից հրապարակումներ`
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)