Ձեր վստահելի աղբյուրը

Արաբկիր վարչական շրջանի աշխատակազմի պաշտոնյաների ձերբակալումը մամուլը որակել էր Փաշինյանի կողմից Երևանի քաղաքապետի պաշտոնը զբաղեցնոցղ Տիգրան Ավինյանի վախը բռնելու  գործողություններ։ 

Panorama.am-ի հետ զրույցում Ավինյանի խոսնակ Հայկ Կոստանյանը նշեց՝  քաղաքապետն Արաբկիր վարչական շրջանում մասսայական կալանավորումները չի ընդունում իր դեմ ուղղված քայլ կամ պատիժ։
«Բացարձակ։ Կարծում եմ, իրավապահ մարմնի ցանկացած գործողություն ունի ինչ-որ տրամաբանություն, ուրեմն կա ինչ-որ խնդիր, իրավապահ համակարգը դրան արձագանքում է։ Անձերն այս առումով, կարծում եմ, կարևոր չեն»,-ասաց նա։

Ի՞նչ կարծիք ունի կալանավորումների մասին Տիգրան Ավինյանը։ Ի պատասխան խոսնակն ասաց.

«Քաղաքապետի դիրքորոշումնը հետևյալն է. Օրենքից դուրս ցանկացած գործողություն, անկախ այն բանից, թե ով է իրականացնում, ընդունելի չէ։ Նման արարքները որևէ տրամաբանության մեջ ընկալելի չեն։ Այսինքն, կապ չունի, թե ով է իրականացրել այդ արարքը, ինչ շրջանակ է իրենից ենթադրում»։
Նա հիշեցրեց՝ միաժամանակ պետք է հարգել անձի անմեղության կանխավարկածը։
«Հիմա կա պրոցես, մարդկանց կալանքի, տնային կալանքի են տարել, բայց քանի դեռ չկա վերջնական դատավճիռը, պետք է հարգել նրանց անմեղության կանխավարկածը»,-նշեց Կոստանյանը։

Հիշեցնենք, որ Հակակոռուպցիոն դատարանն Արաբկիրի թաղապետ Արամ Ազատյանի նկատմամբ որպես խափանման միջոց է ընտրել տնային կալանքը և գրավը՝ 30 մլն դրամի չափով։  Նրա երկու տեղակալները՝ Գեղամ Կարապետյանը, Դավիթ Բալասանյանը կալանավորվել են մեկ ամսով։

«Կալանավորված անձանց թվում է նաև «Pink berry»-ի սեփականատեր Լևոն Սաֆարյանը, վերջինս կալանավորվել է մեկ ամսով»,-գրել է «Փաստինֆո»-ն։