![](https://panorama.am/news_images/1009/3024952_1/head_0s830x467.thumb.jpg)
ՄՕԿ-ն արձագանքել է Փարիզի Օլիմպիական խաղերի հնարավոր չեղարկման մասին տեղեկատվությանը
Միջազգային օլիմպիական կոմիտեի (ՄՕԿ) մամուլի ծառայությունը հայտարարություն է տարածել 2024 թվականին Փարիզում կայանալիք ամառային օլիմպիական խաղերի հնարավոր չեղարկման մասին տեղեկություններից հետո։
«Ակնհայտ է, որ Ֆրանսիայի, ՄՕԿ-ի և նրա նախագահի և հենց Օլիմպիական խաղերի դեմ ապատեղեկատվության արշավի մի մասը շարունակվում է:
Այս տեղեկությունը փաստական հիմք չունի։ ՄՕԿ-ի նախագահը և ողջ օլիմպիական շարժումն անհամբերությամբ սպասում են 2024 թվականի Փարիզում կայանալիք օլիմպիական խաղերին, որոնք կսկսվեն հուլիսի 26-ին կայանալիք բացման արարողությամբ»,- sport.ru-ի հաղորդմամբ, ասվում է ՄՕԿ-ի սոցիալական ցանցերում տարածած հայտարարության մեջ:
Ֆրանսիայում հունիսի 30-ին կայացել է խորհրդարանական ընտրությունների 1-ին փուլը։ Դրանից հետո երկրի ամբողջ տարածքում բողոքի զանգվածային ցույցեր են սկսվել։ Ընտրությունների 2-րդ փուլը նշանակված է հուլիսի 7-ին։ Սոցիոլոգիական հարցումների համաձայն՝ երկրի ներկայիս ղեկավար Էմանուել Մակրոնի կուսակցությունը կկորցնի իր մեծամասնությունը խորհրդարանում։
Փարիզի Օլիմպիական խաղերը նախատեսվում է անցկացնել հուլիսի 26-ից օգոստոսի 11-ը։ Ֆրանսիայի մայրաքաղաքը երրորդ անգամ է ընդունում Օլիմպիական խաղերը։
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)