![](https://panorama.am/news_images/1009/3025159_1/1.thumb.jpg)
Ջրային պարեկներն ինչի համար Սևանա լճում կարող են տուգանել քաղաքացիներին
«Ջրային պարեկային ծառայության գործառույթների մեջ են մտնում հանրային լողափերում և լողափային հատվածներում հասարակական կարգն ու հասարակական անվտանգությունն ապահովելը, անձանց իրավունքներն ու ազատությունները»,- «Արմենպրեսի» մամուլի սրահում լողաշրջանի բացման կապակցությամբ հրավիրված ասուլիսում հայտարարեց ՆԳՆ ոստիկանության պարեկային ծառայության վարչական գործերի և դատական պաշտպանության վարչության պետ, փոխգնդապետ Հայկ Վարդանյանը։
Նրա խոսքով, պարեկները հսկողություն են իրականացնում նաև լողամիջոցների վարման կանոնների պահպանման ուղղությամբ, և յադ նպատակով համագործակցում են ՆԳՆ փրկարար ծառայության հետ՝ լողամիջոցներ վարող անձանց անօգնական վիճակում գտնվելու, խեղդվելու և առաջին օգնություն ցույց տալու անհրաժեշտության դեպքերում:
Հայկ Վարդանյանը հայտնեց, որ պատժամիջոցներ են նախատեսված լողամիջոցը ոչ սթափ վիճակում վարելու կամ զննություն անցնելուց խուսափելու համար, նման խախտումներ արձանագրելու դեպքում սահմանված է վարչական տուգանք նվազագույն աշխատավարձի 30-ապատիկի չափով:
Խախտումներ են համարվում նաև տեխնիկական անսարքություն ունեցող, չհաշվառված, առանց կողային համարանիշի լողամիջոց վարելը, լողամիջոցն այլ՝ վարելու իրավունք չունեցող անձին հանձնելը:
Փոխգնդապետը տեղեկացրեց, որ երբ լողամիջոցը մոտեցվում է լողափնյա այն հատվածներին, որոնք կահավորված չեն լողամիջոցների մոտենալու կամ հեռանալու համար, ապա այս դեպքում պատասխանատվություն է նախատեսվում աշխատավարձի 20-ապատիկի չափով:
ՆԳՆ Փրկարար ծառայության Գեղարքունիքի մարզային փրկարարական վարչության հատուկ ջրափրկարարական ջոկատի հրամանատար Արմեն Ճզմաչյանն էլ հայտնեց, որ գործող 6 հանրային լողափերում հերթապահության համար ծավալվել են ջրափրկարարական հենակետեր, այդտեղ են տեղափոխվել մոտորանավակներ, փրկարարական միջոցներ:
Հարակից հրապարակումներ`
- Սևանա լճի լողափը շահագործվել է առանց անվտանգության ապահովման, ինչը հանգեցրել է 63-ամյա անձի ջրահեղձ լինելուն
- Սևան. Լողաշրջանի մեկնարկը տրված է
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)