![](https://panorama.am/news_images/1009/3025179_1/f657867be60a4d_657867be60a8c_thumb_v1.thumb.jpg)
Սուրենյանց. ԵՄ-ի աջակցության և մի քանի ճշմարտությունների մասին
Քաղաքագետ Սուրեն Սուրենյանցը գրում է.
«Հայաստանն այս տարի առաջին անգամ 10 միլիոն եվրո կստանա Եվրամիության Խաղաղության հիմնադրամից։ Հունգարիան հանել է այս օգնության վրա դրված արգելանքը:
Իհարկե, Հունգարիան հենց այնպես արգելքը չի հանել և հասել է նրան, որ Ադրբեջանը ԵՄ այլ միջոցներից համարժեք գումար է ստացել՝ ականազերծման աշխատանքների համար:
Առհասարակ, մենք պետք է ընդունենք օբյեկտիվ այն իրողությունը, որ այս պահին Ադրբեջանն ավելի շատ դաշնակիցներ ունի աշխարհաքաղաքական բոլոր ուղղություններում և դա հետևանք է այդ երկրի սուբեկտության կտրուկ մեծացման:
Նաև սրա համար եմ ասում, որ այսօր գործնականում աշխարհի որևէ երկիր պատրաստ չէ դաշնակցել Հայաստանի հետ՝ ընդդեմ Ադրբեջանի և Թուրքիայի:
Այս փաստից պետք չէ հիասթափվել կամ ծայրահեղությունների գիրկն ընկնել. ընդամենն անհրաժեշտ է հետևողական լինել և ներքին բարեփոխումների ու արտաքին մտածված քաղաքականության հետևանքով մեծացնել Հայաստանի սուբեկտությունը:
Ցանկացած աջակցություն, այդ թվում՝ ԵՄ 10 միլիոն եվրոն, որը նպաստում է Հայաստանի պաշտպանական հնարավորությունների մեծացմանը, դրական է:
Այլ խնդիր է, որ այդ տասը միլիոնն անգամներով ավելի արժեքավոր կլիներ, եթե՝ ոչ թե Հայաստանի «հսկառուսականության», այլ արտաքին քաղաքականության դիվերսիֆիկացիայի արդյունքում ստացվեր:
Հակառակ պարագայում՝ մեծ է վտանգը, որ ստացված աջակցությանը համարժեք ռիսկեր են առաջանում, որոնց կառավարումը խնդրահարույց է դառնում Հայաստանի համար»։
Հարակից հրապարակումներ`
- Ահա և առաջին «ծիծեռնակները». Սուրենյանցը՝ ԶՊՄԿ-ի բաժնետերերից Վոլնըրթը արբիտրաժային հայցի մասին
- Բաքվի շանտաժն ու Հայաստանի իշխանության «դուալիզմը»․ Սուրեն Սուրենյանց
- Մինչև երբ ենք ամբոխահաճո պոպուլիզմը շփոթելու արտաքին քաղաքականության հետ. Սուրենյանց
- Վստահաբար ասում եմ՝ ընտրությունները, ինչ կանոնով էլ անցկացվեն, ընդդիմությունը հաղթելու է․ Սուրենյանց
- Միայն Նիկոլ Փաշինյանի հեռացման քաղաքական պահանջ հռչակելը բավարար չէ, եթե չկա հստակ ճանապարհային քարտեզ․ Սուրենյանց
- Սուրենյանց. Այս շարժումը հաղթելու մեծ հնարավորություն ունի, բայց դրա ճանապարհը բլիցկրիգը չէ
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)