Ձեր վստահելի աղբյուրը

Սուրբ Աննա եկեղեցու բակում  Սահմանադրության օրվան նվիրված հավաքը մեկնարկեց աղոթքով և օրհներգով։

«Շնորհավորում եմ մեր բոլոր հայրենակիցներին, հայրենիք ունեցող մարդկանց, պետությունն իրենց ուսերին կրող մարդկանց, պետության տեսիլքն ապրող մարդկանց, պետություն ստեղծող ու կառուցող մարդկանց։ Եվ այս ճանապարհի մեջ մեր խոնարհումն ենք հայտնում բոլոր մեր նահատակ հերոսներին, ովքեր իրենց կյանքով վկայեցին ու փաստեցին մեր գոյության իրավունքի մասին»,- իր ելույթում ասաց Բագրատ Սրբազանը։

Նրա ընդգծեց նաև, որ այսօր Սահմանադրության հռչակման ու Խորհրդանիշեների օրն է՝ դրոշի, օրհներգի և զինանշանի։

«Այսօր հայ մարդու նկարագրի օրն է, պատկերի, հոգու օրն է։ Մենք որպես հայություն, սփռված աշխարհի բոլոր ծալքերում կոչված ենք բոլոր սրբությունների շարքին վեհ պահել այս բոլոր խորհրդանիշները։ Չափազանց կարևոր է,թե մենք ինչպես ենք վերաբերվում որպես վարք մեր խորհրդանիշների նկատմամբ, մեր մայր օրենքի նկատմամբ»,- նշեց Սրբազանը։