Ձեր վստահելի աղբյուրը

Հուլիսի 1-ից 8-ը Հայաստանում անցկացվեց «Mantashyants Global business Forum 2024»-ը, որին մասնակցեց  Հայաստանի բնակավայրերից և տարբեր երկրների 20 քաղաքներից ժամանած մոտ 400 ակումբական:

Հայաստան էին ժամանել նաև չինացի գործարարներ, ովքեր ֆորումի շրջանակում հայ գործարարների հետ քննարկեցին համագործակցությունների նոր փուլը: Ֆորումի շրջանակներում հանդիպումներ են կազմակերպվել Հայաստանի տարբեր քաղաքներում և ավարտական նեթվորքը կազմակերպվեց Դիլիջանի «Դիլի թաուն ռեզորթ-սպա» հյուրանոցում, որը պատկանում է «Մանթաշյանց» գործարարների ակումբի անդամ Բակուր Մելքոնյանին։

Ամփոփիչ միջոցառմանը «Մանթաշյանց» գործարարների ակումբի համահիմնադիր և նախագահ Վահրամ Միրաքյանը ներկայացրեց ակումբի մինչ այս գրանցած հաջողությունների մանրամասները և ապագայի տեսլականը։

««Մանթաշյանց» գործարարներիր ակումբի հիմնական խնդիրը հայ գործարարին հնարավորինս օգտակար լինելն է՝ Երևանում, Լոս Անջելեսում, Համբուգում, Սիդնեյում, թե այլուր»,-ասաց Վահրամ Միրաքյանը։  

Նա հայտնեց, որ գլոբալ ֆորումի  մասնակից 400 գործարարներից 150-ը ժամանել են արտասահմանից՝ 10 երկրի 20 քաղաքից։

Տեղեկացնելով, որ ֆորումը տարբեր օրեր Հայաստանի տարբեր քաղաքներում է անցկացվել՝ Միրաքյանը նշեց, որ նպատակն այն է, որ գործարարները ծանոթանան տվյալ քաղաքի, տեղի գործարար միջավայրի հետ, իսկ Երևանում մի քանի միջոցառում  է տեղի ունեցել, գործարարները այցելել են զորամասեր, կազմակերպվել կոնֆերանս։

Պատասխանելով բարդ հարաբերությունների ներկայիս փուլում Ռուսաստանի հետ ակումբի հարաբերության մասին հարցին՝ Վահրամ Միրաքյանն ասաց. ««Մանթաշյանց» ակումբը քաղաքականությունից դուրս է, մեր համար կարևոր է հայ գործարարների հետ կապերը և ընդհանրապես հայ գործարարներին ուժեղացնելը, հետևաբար՝ Ռուսաստանի հետ հարաբերությունները հրաշալի են, ինչպես Միացյալ Նահանգների, կամ այլ երկրների հետ»։

Նա հիշեցրեց, որ անցած տարի նույն ժամանակահատվածում ակումբը մասնաճյուղ ուներ, 10 քաղաքում, ներկայում՝ 17 քաղաքում են և հույս հայտնեց, որ մինչև տարեվերջ մասնաճյուղեր կբացվեն 25-30 քաղաքներում։ Մասնավորապես առաջիկա աշնանը մասնաճյուղեր են բացվելու Հոլանդիայում, Բելգիայում, Ավստրիայում, նախատեսվում է նաև ասիական երկրներում բացել։

«Մանթաշյանց» գործարարներիր ակումբի համահիմնադիրն անդրադարձավ նաև կառավարության ներկայացուցիչների հետ գործարարների փոխգործակցությանը՝ նշելով. «Շատ բան կախված է պաշտոնյայից և բիզնեսի հետ աշխատելուն՝ նրա կարևորություն տալուց։ Կան պաշտոնյաներ, որոնք բզինեսին ընդհանարպես ուշադրություն չեն դրաձնում և չեն փորձում աշխատել նրանց հետ, օրինակ՝ Երևանի քաղաքապետը, ՊԵԿ նախագահը։ Իրենք առհամարում են բիզնեսին, համարում են, որ բիզնեսը կարևոր չէ և չեն շփվում նրա հետ, բայց կան պաշտոնյաներ, որոնց հետ դրական աշխատանքային փորձ ունենք։ Չնայած մենք ենք վճարում պաշտոնյաների աշխատավարձերը, բայց նրանք իրականությունից կտրված են, չեն հասկանում թե ինչ են անում»։

Միրաքյանը հայտնեց, որ պետական պաշտոնյան չի կարող «Մանթաշյանց» ակումբի անդամ լինել, այնտեղ միայն գործարարներ են, բայց Վահան Քերոբյանը մինչև նախարար նշանակվելն էր ակումբի անդամ և պաշտոնից ազատվելուց հետո նորից վերադարձել է ակումբ։

Չինաստանի «Մանթաշյանց» ակումբի ղեկավար Վահե Ղազարյանը տեղեկացրեց, որը մասնաճյուղը հիմնվել է 2023 թվականի հոկտեմբերից։

«Մեր թիրախն է համախմբել հայ գործորարին, ստեղծել մի թիմ, որը կաշխատի ինչպես իրար հետ այնպես էլ «Մանթաշյանց» ակումբի բոլոր անդամների հետ։

Չինաստանում հայերի թիվը բավականին սակավ է, ընդամենն ունենք 1000-ից մի փոքր ավել հայ։ Գործարար հատվածը երևի 50-100 է, որոնք գտնվում են Չինաստանի հարավային հատվածներում, Շանհայ, Պեկին քաղաքներում և զբաղվում են հիմնականում առևտրով, լոգիստիկայով և նոր տեխնոլոգիաներով»,-ասաց Ղազարյանը։

Նա հայտնեց, որ ակումբի նպատակն է նպաստել Չինաստանի հայ գործարարների և Հայաստանի, ԱՄՆ-ի, այլ երկրների գործարարների հետ համագործակցությանը՝ տեղեկացնելով, որ մասնաճյուղում բացի հայերից ընդգրկված են նաև չինացի անդամներ, որոնք բավականին հաջողակ են իրենց ոլորտներում և Հայաստանում են գտնվում՝ ոսումնասիրելու ներդրումային տարբեր ոլորտները, նաև ոսկունը։

«Մենք մշտապես նպատակ ենք ունեցել ունենալ չին-հայկական կամուրջ, և առաջիկայում չին գործարարներ են գալու Հայաստան, որոնք ցանկանում են ներդրումներ անել տարբեր ոլորտներում»,-հայտնեց Վահե Ղազարյանը։

«Մանթաշկյանց» ակումբի Ռոստովի մասնաճյուղի տնօրեն Աղասի Մինասյանն էլ ասաց.
«Ակումբի առաքելությունն է առաջին հերթին նպաստել գործարարների աճին և նրանց բիզնեսի զարգացմանը։ Եթե գործարարի անհատականությունը չի զարգանում՝ բիզնեսը չի կարող աճել։ Այստեղ հավաքված են բարձր արժեքներով մարդիկ, որոնք շփվելով, իրենց ունեցած փորձով,  մտքերով և արժեքներով կիսվելով՝ մերձենում են և գալիս է մի փուլ, երբ նրանք դառնում են համախոհներ և ուրախ են լինում օգնել միմյանց բիզնեսի զարգացման հարցում»։

«Գրանադուս Վենչուրս» վենչուրային հիմնադրամի համահիմնադիր Երվանդ Սարգսյանը հայտնեց, որ «Մանթաշյանց»  գործարարների ակումբը շատ լավ հարթակ է նոր կապեր հաստատելու և տարբեր ծրագրեր իրականացնելու համար և ընդհանարպես տարբեր երկրներում աշխատող հայ գործարարներին կապելու համար։

«Տեխնոլոգիական ինդուստիան, ՏՏ ոլորտը ՀՆԱ-ի 7 %-ն է կազմում, այսինքը շատ կարևոր դեր է խաղում Հայաստանի տնտեսության մեջ, նաև  աշխատում է միջազգային շուկաների վրա և մեր ընկերությունները կամ արհեստական բանականության շուրջ նոր պրոդուկտներ ստեղծողներ են, կամ բարձր տեխնոլոգիական ընկերություն, որոնք կարող են տարբեր ոլորտներում լինել։

Հայաստանում շատ ուժեղ զարգացած է ծրագրային ապահովումը և արհեստական բանականությոնը։  Բայց մեքն փորձում ենք ստեղծել նաև բիոտեխնոլոգիական ստարտափեր, որոնց միջոցով տարբեր հեիվանդությունների բուժման համար նոր դեղամիջոցներ կարող են ստեղծել, կամ տարեբեր թերապիաներ իրականացնել այս ոլորտում։

Երբ մարդիկ մերձենում են իրար հետ տարբեր գաղափարներ են ծագում, պրոյեկտները շատ են»,-ասաց սարգսյանը։

Ֆորումին գործադիր մարմնից մասնակցող ՏԿԵ նախարար Գնել Սանոսյանն էլ նշելով, թե պետության և բիզնեսի համագործակցությունից շահում են բոլորը, հավելեց. «Բիզնեսը հաճախ նաև կառավարության համար լավ գործընկեր է նրանով, որ հուշի թե տարբեր ոլորտներում խաղի ինչպիսի ընդհանուր կանոններ, որոշումներ, օրենքներ պետք է սահմանել, որպեսզի այդ ուղղությամբ համապատասխան զարգացումներն ավելի արդյունավետ գնան։

Խնդիրներ ունենք և նման հանդիպումները, քննարկումները խոսում է այն մասին, որ կա ցանկություն համատեղ խնդիրները վերացնելու և բիզնեսի համար ավելի արդար միջավայր ստեղծելու համար»։

«Արտ Լանչ»-ի համահիմնադիր, «Մանթաշյանց» ակումբի հիմնադիր անդամ Բակուր Մելքոնյանը, որի հյուրանոցային համալիրը հյուրընկալել էր գլոբալ Ֆորումը, նշեց, որ հարթակի ամենագլխավոր արդյունքը հայ բիզնեսմեններին համախմբելն էր, որն ամենաբարդն էր և ի սկզբանե դրված էր ակումբի նպատակների հիմքում։ Նրա խոսքով, հայ ազգը շատ խելացի է և նրա ներկայացուցիչ գործարարներին շատ դժվար է համախմբել։

«Տարիներ առաջ մի ակումբի շրջանակներում հայտարարեցի՝ եկեք բոլորով համախմբվենք և գործ անենք, ասացին. «Ինչպե՞ս կարող է հայ գործարարը համախմբվել մի նպատակի շուրջ, ինչպե՞ս կարող  է հայ գործարարը հայ գործընկեր ունենա»։ Վստահ եմ՝ ֆորումի ամեն ելույթից, խոսքից հետո մարդկանց մոտ կոտրվում է այդ ստերեոտիպը, օրինակներ բերելով, որոնք գալիս են ապացուցելու, որ այն հնարավոր է։ Օրինակ, վերջին մեր ծրագիրը 20-ից ավել գործարարների հետ ենք իրականացրել։

Ֆորումի պարտադիր բաղադրիչներից է մասնակիցների ոչ ֆորմալ շփումները, որոնց արդյունքում նոր գործարար կապեր են հաստատվում և ծրագրեր են ի հայտ գալիս։ Այդ նպատակով նաև ֆորումի ոչ փորմալ հատվածն ապահովելու համար հրավիրվել էր «Ռեինկարնացի» ռեգգի-խումբը։