Ձեր վստահելի աղբյուրը

«Հանգուցյալների մասին չենք խոսում»,- Հակակոռուպցիոն դատարանի բակում լրագրողների հետ զրույցում ասաց  նախկին ոստիկանապետ Վլադիմիր Գասպարյանը՝ անդրադառնալով  կրկին նախկին ոստիկանապետ Վալերիյ Օսիպյանի այն հայտարարությանը, թե 2018-ին ինքն ասել է՝ «մի բան ձեռնարկենք, բայց նա ասել է՝ ամեն ինչ հսկողության տակ է, մի՞թե սա դավաճանություն չէ»։

Գասպարյանը շարունակեց. «Դավաճանություն է, որովհետև ինքը մեր կապավորն է եղել, իրեն ասվել է  այն, ինչ-որ պետք է ինքը լսեր ու գնար փոխանցեր: Ստիպեցիք խոսել, ես չէի ուզում Օսիպյա՛ն, ինձ ստիպում են»։

Հարցին էլ՝ մեղմացե՞լ են նրա գնահատականներն իշխանությունների, դատական համակարգի, տարբեր անձանց հանդեպ, նա պատասխանեց.  «Նե՞րվ եք թողել: Երբ մարդ մի քիչ վատառողջ է լինում, այն եռանդը չի ունենում»:

Վլադիմիր Գասպարյանը նաև ասաց. «Արգիշտի Քյարամյանն իմ սանիկը չէ, չգիտեմ ինչու է դա տարածվել կամ ով է տարածվել, լիներ՝ կասի հա:

Ինձ հաճախ հարցնում են՝ ճի՞շտ է, որ ես ժամանակին ֆինանսավորել եմ Արման Բաբաջանյանին։ Իմ ականջին հասել է նման բաներ, հիմա Արման Բաբաջանյանը պետք է ասի՝ ֆինանսավորե՞լ եմ, թե ոչ, որպեսզի լրագրողներն ինձ այլևս նման անլուրջ հարցեր չտան»։