Ձեր վստահելի աղբյուրը

Հուլիսի 1-ից 7-ը անց է կացվել աշխարհի ամենամեծ հայկանան բիզնես ցանցի՝ «Մանթաշյանց» գործարարների ակումբի, ամենամյա Global Business Forum-ը։ Այս տարի ֆորումի աշխատանքներին մասնակցելու նպատակով Հայաստան են եկել բիզնես-ակումբի՝ աշխարհի 17 քաղաքաներում գործող մասնաճյուղերի ներկայացուցիչներն, ինչպես նաև մոտ 150 այլազգի գործարարներ։ Ֆորումին հրավիրված են եղել նաև մոտ 400 ոչ ակումբական բիզնեսմենները։

Global Business Forum-ը մեկնարկել է հուլիսի 1-ին՝ Երևանում։ Այդ օրը երեկոյան տեղի է ունեցել ԱՄՆ-ից, Չինաստանից, Ռուսաստանից, Գերմանիայից, Մեծ Բրիտանիայից, Գերմանիայից, Վրաստանից և այլ երկրներից ժամանած հյուրերի դիմավորման հանդիսավոր արարողություն, վերջիններիս ներկայացվել առաջիկա օրերին սպասվող ծրագրերը։

Հուլիսի 2-ին և 3-ին Global Business Forum-ի մասնակիցներն աշխատանքային այցեր են ունեցել ՀՀ Լոռու և Շիրակի մարզեր։ Վանաձորում գործարարները ծանոթացել են ավելի քան 1400 աշխատակից ունեցող ITEX կարի ֆաբրիկայի գործունեությանը, մշակութային այց կատարել Հաովհաննես Թումանյանի տուն-թանգարան, ծանոթացել և աշխատանքային քննարկումներ ունեցել Լոռու մարզի գործարարների հետ։

Գյումրիում ֆորումի մասնակիցները բիզնես այց են կատարել տարածաշրջանում պատմաճարտարապետական մեծ արժեք ներկայացնող «Ալեքսանդրա SPA» համալիր, եղել Մհեր Մկրտչյանի և Հովհաննես Շիրազի տուն-թանգարաններում, աշխատանքային հանդիպում ունեցել Շիրակի մարզի գործարարների հետ։

Մարզային երկու օրերի այցերն ավարտվել են Վանաձորում և Գյումրիում տեղի ունեցած Գալա ընթրիքներով։

Հուլիսի 4-ին Երևանի Prime Hall սրահում մեկնարկել է Global Business Forum-ի քննարկումների ծրագիրը։ Այդ օրը զեկույցներով են հանդես եկել  HENDERSON Fashion Group-ի հիմնադիր և տնօրենների խորհրդի նախագահ Ռուբեն Հարությունյանը, «Այբ» հիմնադրամի համահիմնադիր և Հոգաբարձուների խորհրդի նախագահ Արամ Փախչանյանը, Team Telecom Armenia-ի համահիմնադիր, տնօրենների խորհրդի նախագահ Ալեքսանդր Եսայանը, «Այքոնէփս» (IconApps) ընկերության համահիմնադիր և Integrien ընկերության հիմնադիր Ալ Եսայանը, ինչպես նաև Բարձր տեխնոլոգիաների մասնագետ, ձեռնարկատեր, ներդրող «Ալեքսանդրիա» գինու գործարանի սեփականատեր Ադամ Կափլանյանը։

«Մանթաշյանց» գործարարների ակումբի համահիմնադիր, նախագահ Վահրամ Միրաքյանն իր խոսքում նշեց, որ Global Business Forum 2024 ի հիմնական նպատակը հայկական բիզնեսի գլոբալացումն է, դեպի այլ երկրներ տարածումը։

Հուլիսի 4-ին Երևանի Prime Hall սրահում տեղի ունեցած պանելային քննարկման ընթացքում մանթաշյանականները ուսումնասիրեցին բիզնեսի և քաղաքական դաշտի համագործակցության ԱՄՆ փորձը։ Քննարկման գլխավոր բանախոսներն էին Կալիֆորնիայի հայկական օրենսդիր խմբի նախագահ Ադրին Նազարյանն ու AiLO Logistics ընկերության հիմնադիր, տնօրեն Հակոբ Խուդիկյանը։

Հուլիսի 5-ին Global Business Forum-ի մասնակիցներն այցելել են զորամասեր, անցկացրել մի շարք գործնական հանդիպումներ։ Երեկոյան ծրագիրը ժամանցային էր՝ տեղի է ունեցել «Մանթաշյանց» գործարարների ակումբի մասնաճյուղերի ֆուտբոլային առաջնությունը։

Global Business Forum-ի վերջին երկու օրերն անցել են Դիլիջանի Dili Town Resort համալիրում։

Ողջունելով Դիլիջանում հավաքված գործարարներին՝ «Մանթաշյանց» բիզնես ակումբի նախահագ Վահրամ Միրաքյանը խոսել է Global Business Forum-ի կարևորության և ձեռք բերված հաջողությունների մասին։ Միրաքյանը նշել է, որ իր ղեկավարած բիզնես ակումբը նպատակ է հետապնդում օգնել հայ գործարարներին զարգանալ և նոր շուկաներ նվաճել։ Այդ է պատճառը, որ 2024-ի Business Forum-ն ուղղված է Հայաստանից գլոբալ բիզնես ստեղծելու հնարավորությունների վերհանմանը։

Վահրամ Միրաքյանը ֆորումի մասնակիցներին ու հյուրերին պատմել է «Մանթաշյանց» բիզնես ակումբի գործունեության, ծրագրերի, նպատակադրումների և արժեքների մասին։

Global Business Forum-ի մասնակիցներին ողջունել է նաև ՀՀ տարածքային կառավարման և ենթակառուցվածքների նախարար Գնել Սանոսյանը։ Վերջինս իր խոսքում բարձր գնահատական է տվել «Մանթաշյանց» բիզնես ակումբի գործունեությանը՝ նշելով, որ մանթաշյանականները հաճախ պետական մակարդակի գործառույթներ են իրականացնում։

Ֆորումի հերթական օրվա սկզբում «Մանթաշյանց» ակումբում գործող տարբեր հանձնախմբերը ներկայացրել են վերջին շրջանում իրենց կողմից իրականացված աշխատանքները, որից հետո գործարարներն անցել են տարբեր բիզնես ծրագրերի քննարկմանը։ Օրն ավարտվել է հանգստի և ժամանցի ծրագրերով։

Հուլիսի 7-ին՝ Global Business Forum-ի աշխատանքային վերջին օրը, ելույթներով հանդես եկան Էկոնոմիկայի նախկին նախարար Վահան Քերոբյանը և Ailo Logistics-ի հիմնադիր, տնօրեն Հակոբ Խուդիկյանը։ Ֆորումի մասնակիցները շարունակեցին գործնական քննարկումները, արձանագրեցին, որ աշխատանքային մեկ շաբաթվա ընթացքում մասնակիցների միջև մի քանի հարյուր նոր գործար է իրականացվել։

Նշենք նաև, որ «Մանթաշյանց» գործարարների ակումբի Global Business Forum 2024-ի գլխավոր աջակիցը Silk Soft ընկերությունն է։