![](https://panorama.am/news_images/1010/3028543_1/f635b672ba4d1d_635b672ba4d5d_thumb_v1_8_thumb_v1_thumb_v1_thumb_v1.thumb.jpg)
«Հրապարակ». Պատրաստվում են վերակազմավորել հայտնի «Ֆեյքերի ՊՈԱԿ»-ը
«Հրապարակ» թերթը գրում է.
Մեր տեղեկություններով, պատրաստվում են վերակազմավորել Հանրային կապերի և տեղեկատվության կենտրոնը` հայտնի «Ֆեյքերի ՊՈԱԿ»-ը: ՊՈԱԿ-ի տնօրեն Գոռ Ծառուկյանը հրաժարվեց մեկնաբանել այս տեղեկությունը, այլ աղբյուրներից ճշտեցինք, որ այդ գաղափարի հեղինակը վարչապետի աշխատակազմի ղեկավար Արայիկ Հարությունյանն է, ով հակասություններ ունի իր տեղակալ Տարոն Չախոյանի հետ:
Չախոյանը, ՊՈԱԿ-ի տնօրենը, աշխատակազմը կտրականապես դեմ են այս փոփոխություններին, և եթե դրանք իրականանան, հնարավոր է, որ տնօրենը և աշխատակազմից ոմանք դիմում գրեն: Արայիկ Հարությունյանն ուզում է ինչ-որ նոր մարմին կամ գրասենյակ ստեղծել` իր նախկին խոսնակ, արևելագիտականի իր նախկին ուսանող Անժելա Կժդրյանի գլխավորությամբ: ՊՈԱԿ-ը կենթարկվի այդ գրասենյակին, կփոխվեն նրա գործառույթները` հիմնականում կզբաղվի վերլուծություններով, կպահպանի փորձագետներին, իսկ, ասենք, կառավարությանը ենթակա գերատեսչությունների խոսնակների աշխատանքը կհամակարգի նոր գրասենյակը:
Թերևս այս փոփոխությունները պետք է դիտարկել ընտրությունների համատեքստում` իշխանությունը սկսել է նախապատրաստությունը և, ըստ ամենայնի, դժգոհ է քարոզչությունից, ուստի պատրաստվում է ավելացնել այս մարմինների քանակը, ֆինանսավորումը և փոխել կառուցվածքը: Հավանաբար, Նիկոլ Փաշինյանը մտածում է, որ Տարոն Չախոյանն ու Գոռ Ծառուկյանը չեն արդարացնում իրենց, կամ` Արայիկ Հարությունյանն է այդպես համոզել»։
Մանրամասները թերթի այսօրվա համարում։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան