Ձեր վստահելի աղբյուրը

ԱՄՆ նախագահ Ջո Բայդենը հատուկ ուղերձ է հղել հանրապետական Դոնալդ Թրամփի դեմ մահափորձից հետո։ Նա ամերիկացիներին կոչ է արել «իջեցնել ջերմաստիճանը» և «սառչել»։

«Մենք չենք կարող թույլ տալ, որ բռնությունը դառնա նորմ։ Երկրի քաղաքական հռետորաբանությունը թեժացել է։ Ժամանակն է սառչելու»,-kommersant.ru-ի հաղորդմամբ, ասել է նախագահը։

Երկրի ղեկավարի խոսքով, անհրաժեշտ է «ջերմաստիճանն իջեցնել մեր քաղաքականության մեջ»։

Նա նշել է, որ մարդկանց միջև կան տարաձայնություններ, և «այս ընտրություններում խաղադրույքները չափազանց մեծ են», բայց «քաղաքականությունը երբեք չպետք է լինի մարտի դաշտ, բառիս բուն իմաստով»: Բայդենը նաև նշել է, որ «որքան բարձր են խաղադրույքները, այնքան կրքերը բորբոքվում են»։

«Ինչ էլ որ լինեն մեր համոզմունքները, դրանք երբեք չպետք է վերածվեն բռնության», - ավելացրել է նա:

Հուլիսի 13-ին Փենսիլվանիայում հանրահավաքի ժամանակ Դոնալդ Թրամփի նկատմամբ մահափորձ է կատարվել։ Քաղաքական գործչի վրա կրակել են մի քանի անգամ, ինչից հետո նրան արյունոտ ականջով տարել են հարթակից ու հոսպիտալացրել։ Բուժում ստանալուց հետո Թրամփը դուրս է գրվել հիվանդանոցից։

Կրակողը սպանվել է։ ՀԴԲ-ի տվյալներով, նա 20-ամյա Փենսիլվանիայի բնակիչ Թոմաս Մեթյու Քրուքսն է։