Ձեր վստահելի աղբյուրը

ՆԳՆ ոստիականության օպերատիվ կառավարման կենտրոն hուլիսի 13-ի գիշերը՝ ժամը 4.50-ին,  զանգած կինը հայտնել է, որ Հյուսիսային պողոտայում իրենց ծեծի են ենթարկել։

Ոստիկանությունից հայտնում են, որ Ժամը 6.36-ին 1-ին համալսարանական հիվանդանոցից է հաղորդում ստացվել. շտապօգնության խումբը Թումանյան փողոցից մարմնական վնասվածքներով բուժօգնության էր տեղափոխել 25-ամյա կնոջ և 38 ու 36 տարեկան երկու տղամարդու՝ երեքն էլ օտարերկրյա քաղաքացի։

Ոստիկանության Կենտրոնական բաժնի քրեական հետախույզները պարզել են, որ Թումանյան փողոցում չորս անհայտ անձինք անհիմն վիճաբանել են նրանց հետ, կոպիտ կերպով խախտելով հասարակական կարգը՝ հայհոյանքներ են հնչեցրել և ձեռքերով ու ոտքերով բազմաթիվ հարվածներ հասցրել՝ պատճառելով մարմնական վնասվածքներ:

Ձեռնարկված օպերատիվ-հետախուզական միջոցառումների շնորհիվ պարզվել է, որ արարքը կատարել են 42 տարեկան երկու տղամարդ։ Նրանք Աբովյան փողոցի շենքերից մեկի մոտ հայտնաբերվել, խուլիգանություն կատարելու կասկածանքով ձերբակալվել և տեղափոխվել են ոստիկանության Կենտրոնական բաժին, այնուհետև կազմված փաստաթղթերի հետ ներկայացվել են նախաքննական մարմին: Հանգամանքները պարզվում են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: