![](https://panorama.am/news_images/1010/3029728_1/miller.thumb.jpg)
ԱՄՆ–ը «ժողովրդավարական ռասիզմ» է բանեցնում Հայաստանի դեմ. Թևանյան
«Երբ պաշտոնական Վաշինգտոնից հնչում է տեսակետ, որ հանուն խաղաղության Հայաստանն ու Ադրբեջանը պետք է բարդ ընտրություններ և բարդ փոխզիջումներ կատարեն, դա «թարգմանաբար» նշանակում է, որ Նիկոլ Փաշինյաանին կոչ են անում գնալ հերթական միակողմանի զիջումների, որոնք, սակայն, չեն բերելու խաղաղության»,-նշում է «Մայր Հայաստան» շարժման առաջնորդ Անդրանիկ Թևանյանը։
Նրա խոսքով, այսինքն՝ Նիկոլ Փաշինյանին առաջարկում են Հայաստանի համար չակնկալիքների պայքար մղել՝ փոխարենը խոստանալով աչք փակել ոստիկանապետություն կառուցելու և մարդու իրավունքները բռնաբարելու վրա։
«ԱՄՆ–ը «ժողովրդավարական ռասիզմ» է բանեցնում Հայաստանի դեմ։
Վաշինգտոնի ուզածը Ռուսաստանին մեր տարածաշրջանից հեռացնելն է։ Դրա գինը մինչև 2023–ի սեպտեմբեր Արցախն էր։ Հիմա անցել են Հայաստանով վճարելու ռեժիմին։
Ո՞վ է հիմա հիշում Կիրանցի մասին։
Հ․Գ․։ Արցախը հանձնելուց առաջ Ֆրանսիայի նախագահ Մակրոնը Փաշինյանին համարում էր համարձակ տղա և խրախուսում նրան։ Շարլ Միշելն էլ խոստանում էր Նիկոլի համարձակ քայլերի շրջանակներում պաշտպանել «Ղարաբաղի էթնիկ հայերի» իրավունքները։ Էս երկուսով գլուխ բերեցին Արցախի հանձնումը։
Հիմա ամերիկացիները կրկին առաջարկում են նշաձող իջեցնել։ Այս անգամ Հայաստանի կարգավիճակի նշաձողը։ Փոխարենը խոստանում են «խաղաղություն» և «Հայաստանի էթնիկ հայերի պաշտպանություն»։
Ո՞վ է հիշում Կիրանցի ճանապարհի, չշահագործվող դպրոցի և այդ դպրոցին կից տնկվելիք ծառերի մասին»,-գրում է նա։
Հարակից հրապարակումներ`
- Կարեն Վրթանեսյան. «Փոխզիջում» կոչվածն էլ միայն Հայաստանի մասին է
- ՀՀ և Ադրբեջանի միջև համաձայնություն հնարավոր է, բայց դա երկու կողմից կպահանջի բարդ ընտրություններ և ծանր փոխզիջումներ․ Միլլեր
- Դեռ շատ թանկ գին ենք վճարելու Փաշինյանի արկածախնդրության հետևանքով. Սուրենյանց
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան