![](https://panorama.am/news_images/1011/3030044_1/devushka_skuter_e1721197227797_v1.thumb.jpg)
Բալիում զբոսաշրջիկներին խնդրում են ավելի համեստ հագնվել
Բալիի զբոսաշրջության դեպարտամենտի ղեկավարը կղզու զբոսաշրջիկներին խորհուրդ է տվել զերծ մնալ բիկինիներով և կրծկալներով սկուտեր վարելուց, որոնք հագուստով չեն ծածկված։ Նրա խոսքերը ներկայացրել է Ռիա նովոստին։
«Երբեմն այստեղ մոտոցիկլետ վարող զբոսաշրջիկները կրում են ոչ պատշաճ հագուստ, օրինակ՝ բիկինի: Թերևս նրանք առաջին անգամ են արևադարձային երկրում, ուստի նրանք սովոր չեն մեր շոգ եղանակին»,- ասել է պաշտոնյան։
Նրա խոսքով, նման պահվածքը շեղում է տեղացիների ուշադրությունը ճանապարհից, նաև սոցիալական ցանցերում անցանկալի ուշադրություն է գրավում Բալիի զբոսաշրջիկների վրա: Նա նաև խորհուրդ է տվել մոտոցիկլետներ կամ սկուտեր վարող զբոսաշրջիկներին հնարավորինս երկար տաբատ ընտրել:
«Շորտեր նույնպես նորմալ են, քանի դեռ դրանք ճիշտ երկարությամբ են, հակառակ դեպքում դուք մեծ ուշադրություն կգրավեք ճանապարհին, և դա կարող է շեղել մյուս վարորդների ուշադրությունը: Խնդրում ենք կրել համապատասխան հագուստ, ոչ թե պարզապես կրծկալ»,- ասել է նա։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան