![](https://panorama.am/news_images/1011/3030253_1/real_obyavil_o_prodlenii_kontrakta_s_lukoj_modrichem_17212179021848428598_v1.thumb.jpg)
Մադրիդի «Ռեալը» հայտարարել է Լուկա Մոդրիչի հետ պայմանագիրը երկարաձգելու մասին
Մադրիդի «Ռեալն» իր պաշտոնական կայքում հայտարարել է 38-ամյա կենտրոնական կիսապաշտպան Լուկա Մոդրիչի հետ աշխատանքային պայմանագրի երկարաձգման մասին։ championat.com-ի հաղորդմամբ, խորվաթ ֆուտբոլիստի հետ նոր պայմանագիրը նախատեսված է մինչև 2025 թվականի ամառ։
Լուկա Մոդրիչը «Ռեալում» հանդես է գալիս 2012 թվականից։ Անցած մրցաշրջանում 38-ամյա ֆուտբոլիստը բոլոր մրցաշարերում մասնակցել է 46 հանդիպման, որոնցում դարձել է երկու գոլի և ութ գոլային փոխանցման հեղինակ։
Ֆուտբոլիստի նախորդ աշխատանքային պայմանագիրն ակումբի հետ ուժի մեջ էր մինչև 2024 թվականի ամառը։ Transfermarkt պորտալում ներկայացված տեղեկատվության համաձայն՝ Մոդրիչի շուկայական արժեքը կազմում է 6 միլիոն եվրո։ Ավելի վաղ մամուլում տեղեկություն էր տարածվել, որ Մոդրիչը հրաժարվել է այլ ակումբների առաջարկներից՝ Մադրիդում մնալու համար։
Հարակից հրապարակումներ`
- Մբապեն դիմել է «Ռեալի» երկրպագուներին արդեն որպես «Ռեալի» խաղացող
- Մբապեն` Մադրիդի «Ռեալ» տեղափոխվելու մասին
Լրահոս
Տեսանյութեր
![Արմեն Աշոտյանին բոլոր հնարավոր ձևերով գաղտնալսել են. Ռուբեն Մելիքյան](https://panorama.am/video_images/17/50546_1/f66bdda40b9d70_66bdda40b9db0.jpg)
![Շատ դժգոհ եմ այսօրվա դատական նիստից. Արսեն Բաբայան](https://panorama.am/video_images/17/50519_1/f66bc94d71a690_66bc94d71a6d0.png)