![](https://panorama.am/news_images/1011/3030219_1/451479813_805233241697785_3226020904764839184_n.thumb.jpg)
Տրվել է «Ասկորբինաթթու գլյուկոզով» դեղի շրջանառությունը դադարեցնելու և հետկանչի վերաբերյալ կարգադրագիր
ՀՀ առողջապահական և աշխատանքի տեսչական մարմնի կողմից «Առգո-Ֆարմ» ՍՊ ընկերությանը հուլիսի 16-ին տրվել է կարգադրագիր՝ «Ասկորբինաթթու գլյուկոզով (ասկորբինաթթու, դեքստրոզ (դեքստրոզի մոնոհիդրատ) դեղահատեր, 100 մգ+877մգ; N40 պլաստիկե տարայում (արտադրող՝ «ֆարմստանդարտ-ՈՒֆաՎԻՏԱ» ԲԲԸ, 450077, ք. ՈՒֆա, փ. Խուդայբերդինի 28, Ռուսաստան» սերիա՝ 010124, պիտանիության ժամկետ՝ 01.02.2025թ., դեղի շրջանառությունը ՀՀ-ում դադարեցնելու և հետկանչի վերաբերյալ։
Տեսչական մարմինց հայտնում են, որ կարգադրագրի հիմք է հանդիսացել ՀՀ առողջապահության նախարարության «Դեղերի և բժշկական տեխնոլոգիաների փորձագիտական կենտրոն» ՓԲ ընկերությունից ստացված 15.07.2024թ-ի թիվ EL/01/1019-24 գրությունը և ի լրումն 16.07.2024թ.-ին ստացված փորձաքննության եզրակացությունը։
«Միաժամանակ տեղեկացնում ենք, որ գրանցման հավաստագրի իրավատեր «ֆարմստանդարտ-ՈՒֆաՎԻՏԱ» ԲԲԸ-ն իրականացնում է վերոնշյալ դեղի 2023 թվականի դեկտեմբերից մինչև 2024 թվականի հունիսի 13-ը արտադրված բոլոր սերիաների հետկանչ՝ նորմատիվ փատաթղթին (սպեցիֆիկացիա)՝ «լուծելիություն» կետով որակի անհամապատասխանություն հայտնաբերման հիմքով։
Հարգելի´ քաղաքացիներ, քանի որ առկա է հետկանչի ենթակա երկրորդ դասի թերության՝ խնդրում ենք ուշադիր լինել և խուսափել տվյալ դեղի 2023 թվականի դեկտեմբերից մինչև 2024 թվականի հունիսի 13-ը արտադրված բոլոր սերիաների օգտագործումից»,- նշում են ՀՀ առողջապահական և աշխատանքի տեսչական մարմնից։
Լրահոս
Տեսանյութեր
![Արմեն Աշոտյանին բոլոր հնարավոր ձևերով գաղտնալսել են. Ռուբեն Մելիքյան](https://panorama.am/video_images/17/50546_1/f66bdda40b9d70_66bdda40b9db0.jpg)
![Շատ դժգոհ եմ այսօրվա դատական նիստից. Արսեն Բաբայան](https://panorama.am/video_images/17/50519_1/f66bc94d71a690_66bc94d71a6d0.png)