![](https://panorama.am/news_images/1011/3030402_1/451370897_10161799316345421_298896738202033650_n.thumb.jpg)
Քաղաքագետ. Բայդենի քովիդը կարող է օգտագործվել երկու ձևով
«Դեմոկրատների համար այս «խառը» պահին, հիմա էլ Բայդենը կորոնավիրուսով է վարակվել։ Իհարկե չեմ բացառում, որ սա պատրվակ դառնա Բայդենի՝ մրցավազքից դուրս գալու համար»,-նման կարծիք է հայտնել քաղաքագետ Սուրեն Սարգսյանը՝ ընդգծելով, որ Բայդենի նկատմամբ ներքին ճնշումը բավականին մեծ է:
«Նույնիսկ ամենից հավատարիմ թիմակիցներն են նրան կոչ անում չշարունակել պայքարը, իսկ հիմնական քաջալերողները նրա ընտանիքի անդամներն են:
Բայդենը 2 շաբաթով կմեկուսանա, ինչպես կարգն է, հետո կվերադառնա՝ պատրաստվելու Դեմոկրատների ազգային համաժողովին, որը տեղի կունենա օգոստոսի 19-ին: Հատկանշական է, որ թեկնածուի մրցավազքից դուրս գալու պարագայում նոր թեկնածուն հաստատվում է հենց կուսակցության համաժողովի կողմից:
Տակտիկական առումով, Բայդենի քովիդը կարող է օգտագործվել երկու ձևով:
1. Նրա թեկնածությունը փոխարինելու համար,
2. Հիմնավորելու նրա վերջին շրջանում թույլ լինելը, մինիմալիզացնել հանրային գործունեությունը՝ լրացուցիչ վնաս չհասցնելով իմիջին»,-գրում է Ս. Սարգսյանը։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան