![](https://panorama.am/news_images/1011/3030893_1/013.thumb.jpg)
Ինչու Լոնդոնում տապալվեց Փաշինյան-Ալիև հանդիպումը. Տիգրան Աբրահամյանի դիտարկումները
«Լոնդոնում Փաշինյան-Ալիև հանդիպման տապալումն ուղիղ կապվածություն ունի հուլիսի 1-ին նախատեսված երկու երկրների միջև կանոնակարգերի շուրջ համաձայնության ձախողմանը»,- նման տեսակետ է հայտնել ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Ըստ նրա, նվազագույնը 3 խնդիր կա, որոնք կա´մ առանձին կա´մ 3-ը միասին ազդել են երկկողմ օրակարգի ձևավորման և դրա հիման վրա հանդիպման կազմակերպելու վրա:
«Առաջինը, ինչպես նշեցի, սահմանազատման հետ կապված խնդիրներն են, իսկ ավելի կոնկրետ` այն քայլերի հաջորդականությունն ու մոտեցումները, որոնք մինչև այս պահը չեն համաձայնեցվել, չնայած կար նախապես սահմանված ժամկետ:
Երկրորդ, Ադրբեջանի` վերջին շրջանում ակտիվ առաջ տարվող ՀՀ սահմանադրության փոփոխության հարցը, որի վերաբերյալ ՀՀ իշխանությունը նշում է, որ փոփոխության անհրաժեշտություն տեսնում է, սակայն փորձում է ցույց տալ, թե դա ադրբեջանական պահանջով չէ:
Երրորդ, տարածաշրջանային կոմունիկացիաների թեման շարունակում է օրակարգում մնալ, իսկ դրա` տարբեր սցենարներով հանգուցալուծման հարցը, ոչ միայն ռեգիոնալ, այլ աշխարհաքաղաքական տարբեր կենտրոնների ուշադրության և ուղիղ միջամտության դաշտում է:
Չնայած այս գործոններին, չի բացառվում, որ մոտ ապագայում երկկողմ հանդիպում, այնուամենայնիվ, կկայանա, որովհետև ՀՀ իշխանությունը բազմաթիվ նման իրավիճակներում ոչ միայն ընկրկել է, այլ դիրքորոշումների առումով` գնացել լուրջ նահանջների»,- գրել է Տ.Աբրահամյանը:
Հարակից հրապարակումներ`
- «Հրապարակ». Ալիևը պահանջում է, Փաշինյանը ընդառաջ է գնում պահանջին
- Փաշինյանը Մակրոնի ու Շուլցի հետ քննարկել է Հայաստանի և Ադրբեջանի միջև խաղաղության գործընթացը
- Փաշինյանը ոչ ֆորմալ հանդիպումներ է ունեցել միջազգային գործընկերների հետ
- Փաշինյանը չի արձագանքել խաղաղության պայմանագրի մասին հարցին, Ալիևը բութն է վեր պարզել
- Լոնդոնից իրարամերժ հայտարարություններ ենք լսում, ըստ երևույթին, խնդիրը հանդիպման օրակարգն է եղել. Քաղաքագետը՝ Փաշինյան-Ալիև չկայացած հանդիպման մասին
- Հայկական կողմն առաջարկել է Փաշինյան-Ալիև հանդիպում, սակայն ադրբեջանական կողմը մերժել է. ՀՀ ԱԳՆ
- Նիկոլ Փաշինյանը հրաժարվել է Լոնդոնում հանդիպել Ալիևի հետ. պնդում է ադրբեջանական կողմը
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան