![](https://panorama.am/news_images/1011/3031849_1/5.thumb.jpg)
Դավիթ Բեկ փողոցում տեղի ունեցած խոշոր վթարի փրկարարական աշխատանքներին ներգրավվել է տրակտոր
Այսօր առավոտյան Դավիթ Բեկ փողոցում տեղի ունեցած շղթայական վթարի փրկարարական աշխատանքներին ներգրավվել է տրակտոր։ Այս մասին տեղեկացնում է ՆԳՆ փրկարար ծառայությունը։
Նշենք, որ հուլիսի 22-ին, ժամը 09:45-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Դավիթ Բեկի փողոցում տեղի է ունեցել ՃՏՊ, կան արգելափակված քաղաքացիներ․ անհրաժեշտ է փրկարարների օգնությունը։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ Դավիթ Բեկ և Գաջեգործների 3-րդ փողոցների խաչմերուկի մոտակայքում բախվել են «BMW», «Nissan», «Mercedes-Benz», «Opel», «Toyota», «Nissan» մակնիշների ավտոմեքենաները և երկու «ZIL» մակնիշի բեռնատար։
Մինչ փրկարարներների կանչի վայր հասնելը՝ մեկ տուժած հոսպիտալացվել է բժշկական կենտրոն։
Փրկարարներն ավտոմեքենայից դուրս են բերել մեկ տուժած քաղաքացու. վերջինս նույնպես հոսպիտալացվել է բժշկական կենտրոն։
Փրկարարները հոսանքազրկել են ավտոմեքենաները, փակել գազի բալոնների փականները, «Nissan» մակնիշի ավտոմեքենայից և «ZIL» մակնիշի բեռնատարից դուրս բերել երկու քաղաքացու դի։
Հարակից հրապարակումներ`
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան