![](https://panorama.am/news_images/1011/3031651_1/452229712_456016800727761_7076928768439485332_n.thumb.jpg)
Վթար Դեֆանս թաղամասի մոտ
Ճգնաժամային կառավարման ազգային կենտրոն հուլիսի 21-ին, ժամը 22:27-ինահազանգ է ստացվել, որ Երևան քաղաքի «Դեֆանս Հաուզինգ» բնակելի թաղամասի մոտակայքում տեղի է ունեցել ՃՏՊ՝ ավտոմեքենան դուրս է եկել ճանապարհի երթևեկելի հատվածից և կողաշրջվել. կա տուժած։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Տիչինայի փողոցում՝ «Դեֆանս Հաուզինգ» բնակելի թաղամասի մոտակայքում, «Nissan» մակնիշի ավտոմեքենան (վարորդ՝ Մ. Խ., ծնված 1977 թ․) դուրս է եկել ավտոճանապարհի երթևեկելի հատվածից և հայտնվել փոսում (մոտ 2.5 մետր)։
Մինչ փրկարարների կանչի վայր հասնելը՝ ուղևոր Ա. Դ.-ն (ծնված 1994 թ․) հոսպիտալացվել է բժշկական կենտրոն։
Փրկարարները փակել են ավտոմեքենայի գազի բալոնի փականը, վարորդ Մ. Խ.-ին դուրս բերել փոսից և պատգարակով մոտեցրել շտապօգնությանը․ վերջինս ևս հոսպիտալացվել է բժշկական կենտրոն:
Բժիշկները Մ. Խ.-ի առողջական վիճակը գնահատել են ծանր, իսկ ուղևոր Ա. Դ.-ինը՝ բավարար:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան