Ձեր վստահելի աղբյուրը

ՀՅԴ Հայաստանի ԳՄ անդամ Գերասիմ Վարդանյանի գործով առաջին դատական նիստը հետաձգվեց մինչև օգոստոսի 6-ը։ Պաշտպանական կողմը միջնորդեց դատարանին հետաձգել դատավարությունը, որպեսզի կարողանա ծանոթանալ գործի մանրամասներին։

Նիստից հետո լրագրողների հետ զրույցում փաստաբան Սերգեյ Հարությունյանն ասաց, որ այս գործընթացը հերթական ճնշումն է և ընդդիմադիր խոսքը լռեցնելու փորձ։

«Գերասիմ Վարդանյանի նկատմամբ 3-4-րդ անգամ նմանատիպ փորձ է արվում՝ ազատությունից որոշ ժամանակով զրկում են, հայտնվում է  կալանավայրում ճնշելու, ընդդիմադիր խոսքը լռեցնելու նպատակով, բայց արդյունքի չեն հասնում»,- նշեց նա։

Ս. Հարությունյանի խոսքով, փորձում են ճնշել Գերասիմ Վարդանյանին, նրա կուսակից ընկերներին, համախոհներին վախեցնել՝«թե տեսեք որտեղ է նա հիմա, դուք էլ կարող եք նմանատիպ իրավիճակում հայտնվել»։

«Արդյունքի չեն հասնում։ Վստահ եմ ՝ այս անգամ էլ արդյունքի չեն հասնի։ Կոնկրետ թիրախավորված է Գերասիմ Վարդանյանը, ինչու չէ նաև թիրախավորված է ՀՅԴ-ն»,- ասաց Ս. Հարությունյանը։

Մանրամասն՝ տեսանյութում։