![](https://panorama.am/news_images/1011/3032854_1/f66a102de016c3_66a102de01703.thumb.jpg)
ՌԴ ԱԴԾ տնօրենը հաստատել է Մոսկվայում Land Cruiser-ը պայթեցրած դիվերսանտի Թուրքիա փախուստի փաստը
Ռուսաստանի Դաշնության ԱԴԾ տնօրեն Ալեքսանդր Բորտնիկովը հայտարարել է Մոսկվայի հյուսիսում Land Cruiser-ի վրա ինքնաշեն պայթուցիկ տեղադրած դիվերսանտի փախուստի մասին։ Այս մասին հայտնում է Life.ru-ն։ Բորտնիկովի խոսքով՝ պայթյունի հեղինակը փախել է Թուրքիա։
«Մենք աշխատում ենք թուրքերի հետ»,-ասել է նա։
Բորտնիկովը հավելել է, որ ռուսական հատուկ ծառայությունները կապի մեջ են թուրք գործընկերների հետ՝ կասկածյալին կալանավորելու և արտահանձնելու համար։
Հուլիսի 24-ին Մոսկվայի հյուսիսում Toyota Land Cruiser ջիպ է պայթեցվել, ինչի հետևանքով երկու մարդ վիրավորվել է։ Մեքենայի վարորդի ոտքերը պոկվել են, իսկ ուղևորը ստացել է բեկորային վնասվածքներ։ Ներքին գործերի նախարարությունը հայտնել է, որ պայթյունի պատճառը չպարզված սարքավորման պայթեցումն է եղել։ Իրավապահները դիտարկում են մասնագիտական գործունեության հետ կապված մահափորձի հնարավորությունը։ Լրատվամիջոցները հայտնել են, որ կնոջ հետ միասին վիրավորվել է ՌԴ ՊՆ բարձրաստիճան սպան։
Հարակից հրապարակումներ`
- Ղրիմի կամրջի վրա պայթեցված բեռնատարի բեռի վերաբերյալ ՊԵԿ-ը մանրամասներ է հրապարակել
- Հալեպում պայթեցված հայկական եկեղեցին գարնանը կվերաբացվի
- Թուրքիայում պայթեցված ավտոբուսը զինվորներ էր տեղափոխում
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան