![](https://panorama.am/news_images/1011/3032687_1/452374429_1010812394386211_4323330910610245437_n.thumb.jpg)
Fly One-ի պատճառով նախախաղային գրաֆիկի կոպտագույն խախտումով մեկնել ենք Քիշնև. Արարատ-Արմենիա
Fly One ավիաընկերության պատճառով «Արարատ-Արմենիա» ՖԱ-ն Քիշնև է հասել նախախաղային գրաֆիկի կոպտագույն խախտումով։
Ակումբը մանրամասներ է հրապարակել տեղի ունեցած միջադեպից.
«Արարատ-Արմենիա» ՖԱ-ընդհանուր հիմունքներով վաղօրոք ձեռք էր բերել հուլիսի 23-ի` Երևան-Քիշնև չվերթի տոմսերը։
Ակումբի անձնակազմը բոլորի պես ստիպված է եղել մոտ 4.5 ժամ սպասել ու ի վերջո տևական ուշացումով ու փաստացի նախախաղային գրաֆիկի կոպտագույն խախտումով մեկնել Քիշնև, որտեղ թիմը պիտի Հայաստանը ներկայացնի UEFA-ի Կոնֆերենցիաների լիգայի որակավորման երկրորդ փուլի առաջին խաղում` հյուրընկալվելով տեղի «Զիմբրուին»:
Այն տեղեկությունները, թե որոշ ուղևորներ մեր պատճառով դուրս են մնացել չվերթից, բացարձակ չեն համապատասխանում իրականությանը։
Խնդրում ենք զերծ մնալ «Արարատ-Արմենիա» ակումբի անունն ավելորդ անգամ շահարկելուց»։
Նշենք, որ մոլդովական «Զիմբրուի» արգելքը հաղթահարելու դեպքում UEFA Կոնֆերենցիաների լիգայի որակավորման 3-րդ փուլում թիմը կմրցի «Դնիպրո-1» - «Պուշկաշ Ակադեմիա» զույգի հաղթողի հետ։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան