![](https://panorama.am/news_images/1012/3033121_1/f66a20306af2a1_66a20306af3da.thumb.jpg)
Պետությունը կստուգի մթերքներում պեստիցիդների, նիտրատների և ծանր մետաղների մնացորդային քանակները,ԳՄՕ-ները
«Ծրագրի նպատակն է մոնիթորինգի ենթարկել Հայաստանի Հանրապետությունում արտադրվող բուսական ծագման մթերքներում պեստիցիդների, նիտրատների և ծանր մետաղների մնացորդային քանակները՝ հավաստելու, որ տեղական արտադրության բուսական ծագում ունեցող սննդամթերքը չի պարունակում պեստիցիդների, նիտրատների, ծանր մետաղների մնացորդային քանակներ և գենետիկորեն ձևափոխված օրհանիզմներ, կամ վերջիններիս պարունակությունը չի գերազանցում ՀՀ օրենդրությամբ սահմանված մնացորդային քանակները»,-կառավարության նիստում հայտնեց Վարչապետի աշխատակազմի ղեկավարի տեղակալ Արմենակ Խաչատրյանը։
Վերջինս զեկուցեց «Բուսական ծագման մթերքում մնացորդային նյութերի, գենետիկորեն ձևափոխված օրգանիզմների առկայության մոնիթորինգային ծրագիրը և ծրագրից բխող միջոցառման կատարման ժամանակացույցը հաստատելու մասին»,-որոշումը
Որոշման հիմնավորման մեջ ասվում է. «Ծրագրի խնդիրն է՝ Հայաստանի Հանրապետությունում արտադրված բուսական ծագման մթերքներում մնացորդային քանակների ուսումնասիրումը, վերջիններիս խմբավորումը՝ ըստ պարունակության, թիրախային շրջանների, մթերքի տեսակային կազմի որոշումը և տվյալների բազայի ստեղծումը՝ աշխարհագրա-տեղեկատվական համակարգերի օգնությամբ...
Ծրագրի միջոցառումների իրականացումից ակնկալվում են ՀՀ-ում արտադրվող բուսական ծագման մթերքում մնացորդային քանակների ուսումնասիրում...
Ծրագրի իրականացման ապահովումը կբերի մնացորդային քանակների հայտնաբերման և ռիսկի գնահատման ենթակառուցվածքների զարգացմանը, տեխնիկական վիճակի բարելավմանը, ինչպես նաև այդ վիճակի շարունակական պահպանմանը, ինչը զգալի ազդեցություն կունենա սպառողների կյանքի և առողջության պաշտպանության գործընթացում, ինչպես նաև հնարավորություն կնձեռվի ավելացնել արտահանման ծավալները և նոր շուկաներ նվաճել»:
Արմենակ Խաչատրյանը տեղեկացրեց, որ 2024 թվականին այդ նպատակով հատկացվելու է 45 մլն դրամ։
Հարակից հրապարակումներ`
- Ռուսական կողմը դադարեցնում է մի շարք ընկերությունների բուսական ծագման մթերքների արտահանման հնարավորությունը. Պիպոյան
- Երկրում ընդամենը մի քանի տարվա մեջ սննդամթերքի անվտանգությունը հասցրեցին շրիշակի մակարդակի. Դավիթ Պիպոյան
- Առաջին անգամ ուսումնասիրվելու է պեստիցիդների վնասակար ազդեցությունը վարելահողերի սննդային շղթայի վրա
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան