Ձեր վստահելի աղբյուրը

«Բաքվում Էրդողանն ու Ալիևը փորձելու են Փաշինյանի հետ պայմանավորվել, թե հետագայում ինչ է հանձնելու Փաշինյանը, ավելին Փաշինյանին սովորեցնել, որ նա իրեն համապատասխան ձևով պահի, այնպես, որ թուրքական աշխարհին դուր գա»,- «Հայելի» մամուլի ակումբում հայտրարարեց նախկին վարչապետ Հրանտ Բարգարտյանը՝ անդրադառնալով Բաքվում  կայանալիք COP-29-ին Հայաստանի հրավիրելու մասին տեղեկատվությանը։

Նրա խոսքով՝ Բաքվում հիմնականում խոսքը գնալու է միջանցք տալու մասին։

«Միջանցքի հարցը Նիկոլի թեթևամիտ առաջարկով 2020 թվականի նոյմեբրի 9-ին դարձել էր հայտարարության 9-րդ կետ, որը վերաբերում է Արցախին։ Արցախն այսօր չկա, իսկ Նիկոլ Փաշինյանը շարունակում է մնալ այդ համաձայնագրի մեջ, իսկ այդ հայտարարությունը Հայաստանի և Ադրբեջանի միջև ստորագրվել է Ռուսաստանի քավորությամբ»,-հայտնեց բանախոսը։

Նրա խոսքով Ռուսաստանը մի քանի անգամ հայտարարել է, որ այդտեղ ինքը միջանցք չի տեսնում,  Սերգեյ Լավրովը  և Մարիա Զախարովան բազմիցս հայտարարել են, որ այնտեղ միջանցքի տրամաբանույթուն չեն տեսնում, այլ խոսքը վերաբերում է ճանապարհային բեռների մասին։

Ըստ Բագրատյանի՝ Փաշինյանն ինքն է առաջարկել այս միջանցքը, փոխարենը ստանալով միջանցք դեպի Արցախ՝ Լաչինի միջանցքը։

Նրա խոսքով՝  հետագայում միջանցքի գաղափարը ձեռնտու է դառնում ԱՄՆ-ին և Արևմուտքին, որովհետև այն թուրանական գիծ է դառնում՝ ՌԴ-ի, Չինաստանի և Իրանի դեմ։