Ձեր վստահելի աղբյուրը

Փոխանակման ընթացքում բոլոր ներգրավված կողմերը լիովին կատարել են պայմանավորվածությունները։ «ՌԻԱ նովոստի»-ին ասել է ռուսական իրավասու գերատեսչություններից մեկի վստահելի աղբյուրը։

Ավելի վաղ ՌԴ ԱԴԾ-ն հայտնել էր, որ ՆԱՏՕ-ի մի շարք երկրներում կալանավորված և բանտարկված ութ ռուսաստանցիներ վերադարձվել են հայրենիք։

Թուրքիայում հաջողությամբ իրականացվել է «ամերիկա-ռուսական և նույնիսկ խորհրդային պատմության  գերիների ամենադժվար փոխանակումը»։ Այն պատրաստվում էր երկար ամիսներ, և, ի վերջո, դրան մասնակցեցին ոչ պակաս, քան վեց երկրներ՝ ԱՄՆ, Ռուսաստանը, Գերմանիան, Լեհաստանը, Սլովենիան և Նորվեգիան։

Ըստ The Moscow Times-ի՝ Ռուսաստանն ազատ է արձակել 16 մարդու՝ քաղբանտարկյալների (այդ թվում՝ քաղաքական գործիչներ Իլյա Յաշինին, Վլադիմիր Կարա-Մուրզային, Ալեքսեյ Նավալնիի շտաբի աշխատակից Լիլիա Չանիշևային, «Բաց Ռուսաստան» հասարակական կազմակերպության նախագահ Անդրեյ Պիվովարովին, նկարչուհի Ալեքսանդրա Սկոլիչենկոյին, որը դատապարտվել է յոթ տարվա ազատազրկման «կեղծիքների մասին» օրենքով՝ մթերային խանութում գնապիտակները հակապատերազմական թռուցիկներով փոխարինելու համար և այլն), ինչպես նաև The Wall Street Journal-ի լրագրող Էվան Գերշկովիչին, «Ազատություն» ռադիոկայանի թաթար-բաշկիրական ծառայության լրագրող Ալսու Կուրմանաշևային, որն ունի ամերիկյան քաղաքացիություն), նախկին ծովային հետևակի ծառայող Պոլ Ուելանին, ինչպես նաև Գերմանիայի քաղաքացի Պատրիկ Շեբելին, որը մեղադրվում է թմրանյութերի մաքսանենգության մեջ՝ մարիխուանա պարունակող մարմելադ ներկրելու համար։