Սրբազան շարժման աշնան ակտիվությունը կարող է շատ բան փոխել. Արմեն Մանվելյան
ՀՀ իշխանությունները նոր անվտանգային համակարգեր ստեղծելու անվան տակ իրականում Հայաստանը տանում են արտաքին միավեկտր քաղաքականության դաշտ։ Հայ ժողովրդի պատմությունը փաստում է, որ պատմական այն շրջափուլերում, երբ Հայաստանը մեկ ուղղվածության արտաքին քաղաքականություն է վարել՝ միայն վնասներ է կրել՝ կորցնելով տարածքներ ու պետականություն։ Իշխանությունների վարած ոչ հավասարակշիռ քաղաքականության վերաբերյալ «Panorama-հարցազրույց»-ի տաղավարում իր կարծիքն է հայտնել միջազգայնագետ, էներգետիկ անվտանգության փորձագետ Արմեն Մանվելյանը:
Հրացազրույցում հնչեցված հիմնական թեզերը՝ ստորև.
▪Գործող Ռեժիմն առաջին հերթին լուծում է իր անձնական անվտանգության խնդիրները։ Ինքը բերել երկիրը հասցրել է այն պայմաններում, որ այն չի կարող զարգանալ և առաջ գնալ, եթե այս ռեժիմը շարունակի իշխել։ Բայց այս ռեժիմը երբեք կամավոր չի հեռանա, որովհետև այնքան հանցանքներ է գործել, այնքան օրենքներ է խախտել՝ Սահմանադրությունը, խոստումները, որ տվել էր հայ ժողովրդին, ՀՀ բոլոր օրենքները՝ հնարավոր և ոչ հնարավոր։ Սրանք հասկանում են՝ եթե իշխանությունը կորցնեն, ապա հայտնվելու են բանտերում։
▪Բանտերում չհայտնվելու միակ տարբերակը ամեն գնով իշխանությունը պահելն է։ Դրա համար պետք է հակառուսական լինել՝ հակառուսական կլինեն, պետք է ռուսամետ լինել՝ իրենց խոսույթում ռուսամետ կլինեն։ Կարևորն այն է, թե ում միջոցով կկարողանան իրենց իշխանությունը պահել։
▪Սրբազան շարժման աշնան ակտիվությունը կարող է շատ բան փոխել, որովհետև հատկապես ակտիվ ընդդիմադիր շարժումն արտաքին վեկտորներին ուղղում է այն մեսիջը, որ ժողովուրդն իր ճնշող մեծամասնությամբ համաձայն չէ այն քաղաքականության հետ, որը այս իշխանություններ են վարում, առավել ևս համաձայն չեն, որ Հայաստանը մաս-մաս վաճառում են թշնամի պետությանը, որ հայաստանի տարածքներով ինչ-որ ճանապարհներ են կառուցվում՝ այն միջին միջանց կկոչվի, կամ թե ինչ։
▪Եթե նայում ենք Միացյալ Նահանգների աչքերով, ապա Հարավային Կովկասն այնքան էլ իր համար հետաքրքիր չէ՝ եթե խոսքը չի գնում հակառուսական քաղաքականության մասին։ Զուտ իր անվտանգության համար Հարավային Կովկասը 0 արժեք ունի։ Նույնիսկ Միացյալ Նահանգների ազգային ռազմավարության մեջ «Հարավային Կովկաս» բառակապակցություն ընդհանարպես չեք գտնի, իրենց հետաքրքրությունների վեկտրում չկա այդպիսի տարածաշրջան։
▪Ռուսները մեզ տալիս են շուկայականից շատ էժան ու ստաբիլ գազ։ Այս պահին սահմանի վրա մոտավորապես 1000մ³-ի համար 175 դոլար է կազմում այն։ Տարածաշրջանում ամենաէժան գազն է։ Նույն Ադրբեջանը գազը Թուրքիային վաճառում է մոտ 300 դոլարով, Իրանը գազ է մղում Թուրքիա մոտավորապես 400 դոլարով։ Այս պահին Հայաստանի համար այլընտրանք ուղղակի գոյություն չունի։
▪Այն խոսակցությունը, թե Ադրբեջանը կարող է մեզ գազ մատակարարի, ուղղակի դատարկագլուխ մարդկանց խոսակցություն է, որովհետև Ադրբեջանն ինքն է իր ներքին կարիքների համար գազ ներկրում Ռուսաստանից։
Հարցազրույցն ամբողջությամբ՝ կից տեսանյութում։
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
