Ձեր վստահելի աղբյուրը

«Ակնհայտ է, որ սա ի սկզբանե կարված, շինծու քրեական գործ է, դասական քաղաքական հետապնդում»,- Երևան քաղաքի քրեական դատարանի «Ավան» նստավայրում ՀՅԴ Հայաստանի ԳՄ անդամ Գերասիմ Վարդանյանի կալանքի ժամկետը երկարացնելու վերաբերյալ միջնորդության քննարկման ժամանակ լրագրողներին ասաց ՀՅԴ ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։

Նա նշեց, որ արդեն երկու ամիս  տասից ավելի մարդ գտնվում են կալանքի տակ՝ մի մասը տնային կալանք, մի մասը բանտախցում, նրանցից մի մասի կալանքն այս օրերի ընթացքում երկարացրել են։

«Այս դատարանների հետ վաղուց հույս չենք կապում։ Ակնհայտ է, որ այսօր դատական համակարգը, բացառությամբ մի քանի դատավորների, դարձել է Նիկոլ Փաշինյանի ապօրինի  հրահանգները դակողը, քննչական մարմինների, դատախազության ապօրինի գոծողությունների վերջնական դակողը։

Հաշի առնելով մնացած նախադեպքրեը՝ շատ մեծ հույսեր չենք փայփայում։ Ամեն դեպքում կա փաստաբանական թիմ»,- ասաց Ի. Սաղաթելյանը։

Հարցին՝ ինչո՞ւ են իրավապահների թիրախում հայտնվել ՀՅԴ-ականները, նա պատասխանեց. «Բացատարությունը մեկն է. մենք  երբեք հաշտ չենք այս իրավիճակի հետ, երբեք չենք համակերպվելու։ Անցնող 4-5 տարիների ընթացքում մեր կռիվը տվել ենք, շարունակելու ենք ավելի մեծ թափով, ՀՅԴ անդամները՝ շարքայինից մինչև ղեկավարություն, այս թուրքական իշխանությունների կողմից հետապնդվել են  նախորդ տարիներին, հետապնդվում են, վստահ եմ՝ առաջիկայում էլ շարունակվելու են հետապնդումները։

Առհասարակ, այսօր Հայաստանում պայքարող մարդիկ այս իշխանության թիրախում են մի պարզ պատճառով. քանի այդ մարդիկ, այդ քաղաքական ուժերը կան, այս երիտթուրքական կառավարությունը չի կարողանալու իր ծրագրերն ամբողջությամբ ավարտին հասցնել։ Սա նաև տեսակի կռիվ է, խորքային գաղափարական պայքար է և այդ պայքարի ընթացքում  իշխանությունը պատրաստ է ցանկացած սրիկայության ինչպես այս և մնացած պարագաներում։

Սակայն շինծու գործերով, ճնշումներ գործադրելով, վախեցնելու ու մեկուսացնելու ճանապարհով որևէ դաշնակացի լռեցնել չեն կարողացել ու չեն կարողանալու»։