Ձեր վստահելի աղբյուրը

ՀՀԿ ԳՄ անդամ Էդուարդ Շարմազանովը գրում է.

«Ռուսաստանը չի կարող պարտվել, քանի որ բազմաբևեռ աշխարհակարգն այլևս փաստ է։

Վերջին շաբաթվա ընթացքում համացանցում ակտիվացել են հակառուսական տարրերը։

Այդ ակտիվացումը կապված է Կուրսկի մարզում ուկրաինական, իսկ  իրականում Հավաքական Արևմուտքի կազմակերպած հարձակում-ներխուժմամբ։

Սա հնարավորություն է տվել Հայաստանում ծվարած հակառուս-թրքահպատակ-արևմտամոլներին ենթադրել,որ ՌԴ-ն գտնվում է պարտության շեմին։

Իհարկե իրավիճակը ռազմաճակատում լարված է։

Բայց պետք է հասկանալ,որ ՌԴ-ն փաստացի պատերազմի մեջ է Հավաքական Արևմուտքի հետ ու այդ պատերազմը ոչ միայն ռազմաճակատում է,այլ նաև ունի քաղաքակրթական  բաղադրիչ։

Հավաքական Արևմուտքն իր տնտեսական, ռազմական ու քարոզչական ռեսուրսները դրել է ՌԴ-ին ծնկի բերելու համար։

Բայց ՌԴ-ն ոչ միայն ծնկի չեկավ,այլ տնտեսությունն ավելի ակտիվացրեց,զարգացրեց իր դերակատարումը ԲՐԻԿՍ-ի ու Շանհայի կազմակերպության շրջանակներում։

Առանձնահատուկ զարգացում են ապրում ռուս-չինական ու ռուս-իրանական հարաբերությունները։

Այսինքն բազմաբեվեռ աշխարհն այլևս փաստ է։

Սրան հակառակ Արևմուտքն  ավելի է փորձում մեծացնել ճնշումը ՌԴ-ի վրա, բայց հաշվարկը սխալ է լինելու։

Ինչու՞…քանի որ Ռուսաստանը մեկ անգամ չէ ապացուցել, որ մարտահրավերներից  ավելի է համախմբում իր ռեսուրսները ՝ մարդկայինից մինչև ֆինանսական ու ռազմական։

Նույնը կարծում եմ կլինի նաև այս դեպքում։

ՌԴ-ն իր վրա վերցրել է բազմաբևեռ աշխարհակարգի լոկոմոտիվի դերը։

Բազմաբևեռ աշխարհակարգի կողմնակից են նաև Չինաստանն ու Իրանը։

Եվ Հայաստանի ներսում, և Հայաստանի սահմաններից դուրս ասել եմ ՝ ՌԴ-ն Հայաստանի ու հայ ժողովրդի ամենաարդյունավետ դաշնակիցն է և ՌԴ-ի անհաջողությունը գլոբալ առումով չի բխում ՀՀ և հայության շահերից։

Այս քաղաքակրթական պայքարում ես մշտապես եղել և մնում եմ բազմաբևեռ աշխարհակարգի կողմնակից, ՌԴ-ի հետ դաշնակցային, Չինաստանի ու Իրանի հետ ռազմավարական հարաբերությունների կողմնակից»։