Ձեր վստահելի աղբյուրը

«Այդտեղ կալանքը բացարձակապես էական հանգամանք չէ, այսինքը խափանման միջոցի ընտրության-չընտրության հարց է, առաջին հերթին պետք է հասկանալ թե ինչի մասին է հարցը»,- կառավարության շենքի դիմաց ասաց ՊԵԿ նախագահ Ռուստամ Բադասյանը՝ անդրադառնալով «Մանթաշյանց» գործարարների միության համահիմնադիր նախագահ Վահրամ Միրաքյանի ահազանգը։

Հիշեցնենք, որ Միրաքյանը իր գրառման մեջ հայտարարում է, որ ՊԵԿ-ը նախաձեռնել է օրենսդրական առաջարկ, որով նախատեսում է Հայաստանում տարին մոտ հազար գործարարի բանտ նստեցնել:

Բադասյանի խոսքով՝ Քրեական օրենսգրքում կա կարգավորում, որը չի համարվում լավ պրակտիկա, քանի որ նրանով ասվում է՝ եթե հարկային հանցագործությունը կբացահատվի, և վնասը կվերականգնվի հաստատվածի մասով, ապա կազատվեն քրեական պատասխանատվությունից։

«Իմ կարծիքով, այս հոդվածի պատճառով մեր մոտ մրցակցային իրավիճակը խաթարված է։ օրինակ, նույն շուկայում գործում են երկու տնտեսվարող սուբյեկտ,  մեկը հակային կարգապահության տեսանկյունից լրիվ կարգապահ է, վճարում է բոլոր հարկերը, իսկ մյուսը խուսափում է հարկերից։ Ինչ-որ պահի ՊԵԿ-ը հայտնաբերում է իրավախախտման մի մասը, ապացուցում է դրանից էլ ավելի փոքր մասը և այդ տնտեսվարողն ասում է՝  շատ լավ՝ ես բերեմ այդ վճարը մուծեմ և ազատվեմ քրեական պատասխանատվությունից»,-բացատրեց  Բադասյանը։

Լրագրողի դիտրակմանը թե շատ են լինում, որ տեսուչներն են սխալ տուգանում, որը դատարանով ապացուցվում է և ստացվում է, որ գործարարին ձերբակալում են տարիներ հետո նոր պարզվում է, որ տեսուչն է սխալվել։

«Հաճախ կան անձինք, որոնք փորձում են լայնախոհ անձի տպավորություն թողնել»,- ասաց Բադասյանը և նշելով, որ նման մարդիկ հայտարարությում են, թե բոլոր երկրներում գնում են տնտեսական հանցագործությունների ապաքրեականացմանը, հավելեց. «Բացարձակ սուտ է, պատրաստ եմ յուրաքանչյուրի հետ ցանկացած ֆորմատով բանավիճել, որ միջազգային փորձը ճիշտ հակառակն է»։

Լրագրողները ՊԵԿ նախագահին հիշեցրին, որ հարուցված քրեական վարույթների կեսը կարճվել են, իսկ բադասյանը պնդեց, որ դրանց պատճառը հենց գործող խրախուսկան նորմն է, կամ քննության փուլում չի հիմնավորվել տեսուչի նշած խախտումը։
Իրենք պայքարել են որ քննչական մարմինը դուրս գան ՊԵԿ-ից ։ հիմա այն դուրս է եկել, այդ դեպքում ինչու են կալանքի հարցը քննարկում ՊԵԿ-ի տեսակետից»։