Ձեր վստահելի աղբյուրը

«Դասագրքերով կասկածելի հնարքներ կիրառելու առումով ես դիմել եմ պետական կառավարման լիազոր մարմնին, որպեսզի թրքացումը կանգնեցնեն, սակայն նախորդ տարվա օգոստոսից տեսնում եմ, որ այդ կառույցը չի ուզում հարցը լուծի»,-ասուլիսում հայտնեց «Հանրային ազդարար» իրավապաշտպան ՀԿ-ի նախագահ Սեմյոն Բաբայանը։

Բանախոսը հայտնեց, որ դրանից հետո ստիպված դիմել է իրավապահ մարմիններին։

Նա նշեց, որ պետական մարմիններում կան ստորաբաժանումներ, որոնք առանց քաղաքացու միջնորդության պետք է լուծեին այդ հարցը, օրինակ՝ ԱԺ ԿԳՄՍԵՀ մշտական հանձնաժողովը։

«Հանձնաժողովի յուրաքանչյուր անդամի հետ մի քանի անգամ հանդիպել եմ և հորդորել այս դասագրքերով թրքացումը, այն իրավիճակը, որ իրենց ասելով «պատահականորեն» թուրքական դրոշը հայտվում է գրքի կազմի վրա յուրաքանչյուր էջում, վերացվի»,- ասաց Բաբայանը։

Նա հայտնեց, որ իրավապահ մարմիններին հաղորդում է ներկայացրել՝ մասնավորապես վարչական դատարան է դիմել Մայրենի -2-րդ  և Պատմություն 7-րդ դասագրքերը շրջանառությունից հանելու համար, նաև մայրենիի  համահեղինակների դեմ է հայց ներկայացրել։

«Երբ ուսուցչին, տնօրենին կամ ծնողին ասում ես, որ իրենց գործառույթն է կասեցնել նման կասկածելի քարոզչությամբ դասագրքերը՝  ոսուցիչը վախենում է աշխատանքը կորցնելուց, ատեստատցիան չհանձնելուց, իսկ ծնողը մտավախություն է հայտնում, որ դասղեկը կարող է իր երեխայի վրա խոսել, եթե ինքը խնդրի մասին բարձրաձայնի»,-հայտարարեց բանախոսը։

Որպես օրինակ Սեմյոն Բաբայանը բերեց Մայրենի -2-րդ  դասագրքից օրինակ, որի երկորդ բաժնում ներառված է մի հեղինակ «Ֆերիդուն Օրա» անունով, որը գոյություն չունի։

«Իրականում գոյություն ունի Ստամբուլում 1961 թվականին ծնված ֆերիդուն Օրալը, որն ազգությամբ թուրք է»,-ասաց Բաբայանը՝ հավելելով, որ դասագրքում նաև Ստեփանավան քաղաքն անվանվում է Ջալալօղլի և դրանում միտումնավորություն է տեսնում։