Ձեր վստահելի աղբյուրը

ՄԱԿ-ի հայաստանյան գրասենյանի մոտ խաղաղ ակցիա է։ «Հայկանդուխտ» ավանդապաշատ ժողովրդավարական կուսակցության նախաձեռնությանը միացել են քաղաքացիներ, անհետ կորած զինծառայողների հարազատներ։ Ակցիայի մասնակիցները նամակ են հանձնում ՄԱԿ-ի գրասենյակ՝ ուշադրություն հրավիրելով Ադրբեջանում մարդու իրավունքների խախտումների ու Բաքվում ապօրինաբար գերության մեջ պահվող հայ գերիների խնդրի վրա։ 

Կուսակցության ներկայացուցիչ Ռուզաննա Ստեփանյանը լրագրողներին ասաց, որ իրենք այս նամակով խորը մտահոգում ենք հայտնում ՄԱԿ-ի կլիմայի փոփոխության մասին շրջանակային կոնվենցիայի մասնակիցների  կոնֆերսանի 29-րդ նստաշրջանը Ադրբեջանում անցկացնելու  որոշման վերաբերյալ։

«Մեր մտահոգությունները շատ հստակ են, այս որոշումը  անհամատեղելի է ՄԱԿ-ի նպատակների և արժեքների հետ՝ հաշվի առնելով Ադրբեջանի անպատասխանատու վարքագիծը մարդու իրավունքների հարցերում։ Ադրբեջանի բանտերում  շարունակում են անօրինական պահվել հայ գերիներ, ինչը հակասում է միջազգային իրավունքի նորմերին և մարդու իրավունքներին։ Ադրբեջանում բացակայում է  անկախ դատական համակարգը, ինչը  բացառում է  հայ գերիների գործերի արդար քննությունն ու նրանց ազատ արձակումը։

Ադրբեջանն իրականարել է Արցախի բնակչության բռնի տեղահանում, ինչը համարվում է  ցեղասպանության տեսակ՝  համաձայն Ցեղասպանության կոնվենցիայի։ Ադրբեջանը չի կատարել ՄԱԿ-ի պահանջներն Արցախի հարցի վերաբերյալ։

Սա ցույց է տալիս Ադրբեջանի անհարգալից վերաբերմունքը միջազգային կազմակերպությունների, միջազգային  իրավունքի նկատմամբ։

Հայ գերիների վերադարձը լրջորեն վտանգված է: Մտավախություն կա, որ COP29-ից հետո Ադրբեջանը կարող է խոչընդոտել նրանց ազատ արձակմանը:

Հաշվի առնելով վերանշյալը՝ կոչ ենք անում ՄԱԿ-ին՝ պահանջել Ադրբեջանից անհապաղ ազատ արձակել Բաքվում ապօրինաբար կալանքի տակ պահվող հայ  գերիներին՝ հակառակ պարագայում վերանայել COP29-ը Ադրբեջանում անցկացնելու որոշումը մինչև բոլոր հայ գերիների ազատ արձակումը։

Հավատում ենք ՄԱԿ-ը  որպես միջազգային խաղաղության, մարդու իրավունքների պաշտպան, պետք է գործի իր արժեքներին համապատասխան ու  չթույլատրելի այս կարևոր միջոցառման անցկացումը մի երկրում, որը  շարունակում է խախտել միջազգային իրավունքի հիմնարար սկզբունքները»,- նամակի բովանդակությունը ներկայացրեց Ռ.Ստեփանյանը։