Ձեր վստահելի աղբյուրը

«Բաքու Շոյգուի այցից հետո հայտարարվում է, որ այսպես ասած «Զանգեզուրյան միջանցքը» հանվել է բանակցություններից և դրանից հետո պաշտոնական այցով Ադրբեջան է  գնում ուժեղ, միջուկային զենքի քանակով առնվազն ԱՄՆ-ի հետ հավասար պետության նախագահը»,- ասուլիսում ասաց հասարակական-քաղաքական գործիչ Լարիսա Ալավերդյանը՝ անդրադառնալով Բաքու կատարած Պուտինի այցին։

Բանախոսը նկատեց, որ Պուտինի այցից հետո հայտարարվում է, որ «Զանգեզուրյան միջանցքը հանվում է բանակցություններից, բայց մնում է կոմունիկացիաների ապաշրջափակումը։

Ալավերդյանը նշեց, որ Բաքվում քննարկվել են լուրջ հարցեր։

Նրա խոսքով, այցը ցույց է տալիս, որ Ադրբեջանը մեծացնում է իր դերակատարությունը տարածաշրջանում, իսկ Հայաստանի իշխանությունը մեջքով է շրջվել Ռուսաստանին, ինչը սխալ քաղաքականության հետևանք է։

«Այն, ինչ տեղի է ունենում, անշուշտ, ցույց է տալիս որ Հայաստանի ղեկավարությունը ոչ պատահականորեն, կարծես թե գործ չունի անելու։ Այնպես չէ որ ծանրաբեռնված են գործով և հեծանիվով հանգիստ շրջում են։ Ամենեևին՝ ոչ։ Նրանց ասել են՝ դուք հանգիստ մնացեք, ձեր գործը չէ, մենք գիտենք, թե ինչ պետք է տեղի ունենա։

Ես մեծ ցավով եմ ասում, որ Հայաստանը որպես միավոր  բացակայում է այսօրվա տարածաշրջանում տեղի ունեցող զարգացումներից։ Այսօր չկա Հայաստանի ազգային շահերը ներկայացնող սուբյեկտ։
Այն որ Ալիևը և Ադրբեջանն ավելացնում են իրենց գինը որպես տարածաշրջանային սուբյեկտ՝ միաժամանակ զրոյացվում է Հայաստանի դերակատարությունը տարածաշրջանում»,- ասաց Լարիսա Ալավերդյանը։