Եթե նիկոլիստները չիրականացնեին արտաքին տուրբուլենտ քաղաքականություն՝ ՀՀ-ն չէր գտնվի այս խայտառակ իրավիճակում. Շարմազանով
ՀՀԿ ԳՄ անդամ Էդուարդ Շարմազանովը գրում է.
«Հայ-ռուսական դաշինքի և մեր տարածաշրջանում Ռուսաստանի դերակատարման բարձրացման ընդդիմախոսներն ակամայից կողմ են հանդես գալիս Թուրքիայի դերի բարձրացմանը:
Ակնհայտ է,որ Հայաստանի գլխավոր սպառնալիքը Թուրքիան ու Ադրբեջանն են։
Ավելին, Թուրքիան Հարավային Կովկասում իրականացնում է նաև Հավաքական Արևմուտքի հիմնական դաշնակցի դերը։
Թուրքական ու ադրբեջանական սպառնալիքը թողած,նիկոլական,նիկոլամերձ ու արևմտամոլ որոշ ուժեր սկսել են հերթական հակառուսական հիստերիան տարածել։
Նմանատիպ վիճակ էր նաև շուրջ 100 տարի առաջ։
Գիրծիչների մի մասը փրկության հույսը կապում էր Արևմուտքի հետ,բայց 1920-ին սկսված թուրք-հայկական պատերազմում Արևմուտքը որևէ օժանդակություն չցուցաբերեց մեզ։
Արդյունքում 1920-ի դեկտեմբերի 2-ին կնքվեց Ալեքսանդրապոլի պայմանագիրը,որի համաձայն ՀՀ տարածքը կազմելու էր 10 հազ.քառ.կմ -ից էլ քիչ տարածք։
Եվ միայն Հայաստանի խորհրդայնացման արդյունքում հնարավոր եղավ Հայաստանի տարածքն ավելացնել ավելի քան 3 անգամ՝ դարձնելով շուրջ 30 հազ.քառ. կմ։
Հայ-ռուսական դաշինքի ամենից արդյունավետ շրջանը 1991-2018թթ.,երբ ստորագրվեցին ռուսական 102-րդ ռազմաբազայի տեղակայման հռչակագիրը,հայ-ռուսական մեծ պայմանագիրը, ՀՀ անդամակցումը ՀԱՊԿ-ին ,իսկ ՀՀ երրորդ նախագահ Սերժ Սարգսյանի ջանքերով մեր երկիրն անդամակցեց Մաքսային միությանը,իսկ այնուհետև ԵԱՏՄ-ին,երկարաձգվեց մինչև 2044-ը ռուսական ռազմաբազայի տեղակայումը,ստորագրվեց 300 մլն ԱՄՆ դոլարին համարժեք ռուսական գործարանային ներքին գներով ռազմամթերքի ստացման պայմանագիրը, Երևանում ընդունվեց ՀԱՊԿ ռազմավարությունը։
Այդ ժամանակաշրջանի հայ-ռուսական հարաբերություններն առանձնանում էին կանխատեսելիությամբ ու փոխվստահությամբ։
Վերջին տարիներին հայկական տնտեսության ակտիվացումը բացառապես կապված է հենց նախագահ Սարգսյանի որոշմամբ ՝ անդամակցելու ԵԱՏՄ-ին։
Իսկ ո՞վ էր ԱԺ-ում 2017-ին նախաձեռնում ԵԱՏՄ-ից դուրս գալու գործընթացը։
Նիկոլն ու նիկոլիստները։
Իսկ եթե նիկոլիստները չիրականացնեին արտաքին տուրբուլենտ ու իզմեր չունեցող քաղաքականություն, ՀՀ-ն չէր գտնվի այս խայտառակ իրավիճակում։
Հ.Գ.Հայության միակ բնական զինակիցը ռուս մեծ ժողովուրդն է:
Գարեգին Նժդեհ»։
Լրահոս
Տեսանյութեր
Մայր տաճարի վերանորոգման համար պետության կողմից ֆինանսական աջակցություն չի եղել. Մուշեղ Սրբազան
