![](https://panorama.am/news_images/1015/3043762_1/2.thumb.jpg)
Հանրային ռադիոընկերության «ռեյդերային նվաճումը» չի կարող պատշաճ իրավական գնահատական չստանալ. Գարեգին Խումարյան
Հանրային ռադիոյի նախկին տնօրեն Գարեգին Խումարյանը գրում է.
«Ուրախությամբ տեղեկացա, որ Հանրային ռադիոյի տնօրենի այսպես կոչված մրցույթի արդյունքները դատական կարգով վիճարկող միակ մարդը չեմ: Ծանոթացա Լուսինե Պետրոսյանի ներկայացրած հայցին և նրան ու նրա փաստաբանական թիմին հաջողություն եմ մաղթում:
Իրականում հաջողության կամ նույնիսկ հրաշքի կարիք ունի պատասխանող կողմը՝ Հանրային հեռարձակողի խորհրդը, որովհետև Հանրային ռադիոընկերության «ռեյդերային նվաճումը» պարզապես չի կարող պատշաճ իրավական գնահատական չստանալ՝ նույնիսկ դատական գործընթացների հետ կապված հասկանալի ռիսկերի պայմաններում:
Ինչ վերաբերում է մեր հայցին, ապա մեր ընտրած դատավարական ռազմավարությունը մի փոքր այլ է: Կարծում եմ՝ շուտով այդ մասին ավելի հանգամանորեն խոսելու առիթ կունենանք:
Գործընթացի իրավական հարթությանը զուգահեռ ինստիտուցիոնալ տիրույթում, կարծում եմ, խնդիրն անփոփոխ է՝ Հանրային հեռարձակողի խորհրդի ներկայիս կազմն անհամարժեք է Հանրային հեռարձակման բնույթին և սկզբունքներին և չփոխվելու դեպքում պարզապես հեղինակազրկելու է Հանրային հեռարձակման գաղափարը։
ՀՀԽ նախագահ Արա Շիրինյանը, անդամներ Արամ Սուքիասյանը, Արփի Ոսկանյանը, Վահագն Թևոսյանը, Վասակ Դարբինյանը և Վարուժան Օլքինյանը պետք է հրաժարական տան:
Խորհրդի անցումային նախագահ տեսականորեն կարող է լինել Իրինա Շահնազարյանը, ով տառացիորեն մի քանի օր առաջ է Խորհրդի անդամ դարձել և ստեղծված իրավիճակի համար որևէ պատասխանատվություն չի կրում»:
Հարակից հրապարակումներ`
- Այս դիմակայությունն անձերի մասին չէ, այլ սկզբունքների և արժեքների. Գարեգին Խումարյան
- Սկսում ենք ձևավորել Հանրայինի բարեփոխման լայն ճակատ․ Գարեգին Խումարյան
- Հանրային ռադիոընկերության տնօրենի մրցույթի արդյունքը տանում եմ դատարան. Գարգեին Խումարյան
Լրահոս
Տեսանյութեր
![Հրայր Թովմասյանի գործով նիստին դատավոր Տաթևիկ Գրիգորյանը քնել է](https://panorama.am/video_images/18/51119_1/f66e2b886aa7c0_66e2b886aa7ff.jpg)
![Արցախցիների իրավունքների մասին պահանջագիր՝ կառավարությանը](https://panorama.am/video_images/18/51114_1/f66e2aa6e18a23_66e2aa6e18a63.jpg)
![Բայց հարցն այստեղ ցրողական է. Լևոն Քոչարյանը Փաշինյանին](https://panorama.am/video_images/18/51083_1/f66e19f02d784b_66e19f02d788b.png)