Ձեր վստահելի աղբյուրը

«Դժվար է խոսել մի մարդու մասին, որն օրեր առաջ պայքարողների շարքում էր։ Մենք կորցնում ենք հենց պայքարող տեսակ մարդկանց։ Կորցնում ենք՝ ֆիզիկապես, որովհետև նրանց հոգիները, նրանց տված ջերմությունը մեր հետ է» ,- այս մասին  գրականագետ Սերժ Սրապիոնյանի հոգեհանգիստի արարողության ժամանակ լրագրողների հետ զրույցում ասաց «Հայաստան» խմբակցության պատգամավոր Սեյրան Օհանյանը։

Օհանյանի խոսքով ՝ Սրապիոնյանն ընկերական բարձր վսեմ հատկանիշներով օժտված մարդ էր։

«Նա կատարելության հարթակում գտնվող առաջամարտիկներից էր։ Մի մտավորական, որը միշտ կարողանում էր գնահատել իրավիճակը և գործել Հայաստանի ու Արցախի օրհասական  իրադրության ժամանակ։ Հրապարակախոս, որի խոսքը լսվում էր և՛ Հայաստանում, և՛ Սփյուռքում»,- ասաց նա։

Նշենք, որ  Կոնդի Սուրբ Հովհաննես եկեղեցում տեղի է ունենում գրականագետ Սերժ Սրապիոնյանի հոգեհանգիստի արարողությունը։  Սրապիոնյանի վերջին հրաժեշտը տեղի կունենա  օգոստոսի 24-ին, ժամը 12:00-ին Կոնդի Սուրբ Հովհաննես եկեղեցում։

Երկարատև ծանր հիվանդությունից հետո 67 տարեկանում կյանքից հեռացել է գրականագետ Սերժ Սրապիոնյանը: Սերժ Սրապիոնյանը ծնվել էր  1957 թվականին։ 1977-1983 թթ. սովորել և ավարտել է Երևանի պետական համալսարանի հայ բանասիրության ֆակուլտետը։ ակմուհետև  սովորել և ավարտել է Երևանի պետական համալսարանի հայ բանասիրության ֆակուլտետի ասպիրանտուրան։ Բանասիրական գիտությունների թեկնածու է, դոցենտ։