Ձեր վստահելի աղբյուրը

ԱՄՆ-ի Մայո կլինիկայի  մասնագետներն ուսումնասիրել են էներգետիկ ըմպելիքներ խմելու հետ կապված ռիսկերը։ Հետազոտությանը մասնակցել է 144 մարդ, ովքեր սրտի հանկարծակի կանգ են ունեցել, և նրանցից 7-ը (5%) սրտի կանգից անմիջապես առաջ օգտագործած են եղել էներգետիկ ըմպելիքներ:

Վերլուծությամբ պարզվել է, որ էներգետիկ ըմպելիքները կապված են սրտի գենետիկ հիվանդությամբ հիվանդների մոտ սրտի հանկարծակի կանգի հետ: Հեղինակների խոսքով, ըմպելիքի մեջ պարունակվող կոֆեինը և այլ խթանիչ բաղադրիչները փոխում են սրտի կծկումների հաճախությունը և արյան ճնշումը:

Բժիշկները մարդկանց հորդորում են ուշադիր լինել իրենց առողջության նկատմամբ և սահմանափակել էներգետիկ ըմպելիքների օգտագործումը, հատկապես նրանց, ովքեր հակված են սիրտ-անոթային հիվանդությունների։