Ձեր վստահելի աղբյուրը

Շրջանային ռազմական դատարանը որոշել է մինչև հոկտեմբերի 29-ը կալանավորել պաշտպանության նախկին փոխնախարար Պավել Պոպովին` առանձնապես խոշոր չափերի խարդախության գործով։ Այս մասին հայտնում է ՌԻԱ Նովոստին։

Նիստն ընթացել է դռնփակ` քննիչի խնդրանքով, որը հայտնել է, որ գործի նյութերում ինչպես նախաքննական, այնպես էլ պետական գաղտնիքներ կան։
Ինքը` Պոպովը, գործընթացի փակ անցկացնելու դեմ չի առարկել։

Հետաքննության տվյալներով` 2021-2024 թվականներին Պոպովը, պատասխանատու լինելով «Պատրիոտ» այգու զարգացման, սպասարկման և աշխատանքի համար, հարստացել է այդ հաստատության հաշվին` գործելով այգու տնօրեն Վյաչեսլավ Ահմեդովի և ՌԴ պաշտպանության նախարարության նորարարական զարգացման գլխավոր վարչության պետի տեղակալ Վլադիմիր Վեցովի հետ, որոնք նախկինում քրեական պատասխանատվության են ենթարկվել։

Պարզվել է, որ Պոպովը կազմակերպել է շինարարական և վերանորոգման աշխատանքներ, ինչպես նաև «Պատրիոտ» զբոսայգու հաշվին տարբեր նյութական արժեքների մատակարարումը Մոսկվայի մարզի Կրասնոգորսկի շրջանում գտնվող իր ամառանոցին։

Բացի այդ, իր ենթակաների միջոցով նա պարտադրել է առևտրային կազմակերպությունների ղեկավարներին, որոնք պայմանագրային հարաբերություններ ունեն «Պատրիոտ» այգու հետ, շինարարական և մոնտաժային աշխատանքներ կատարել իր քաղաքամերձ տանը` առանց վճարելու դրանց համար: Տունը կառուցելուց և հողամասը բարեկարգելուց հետո Պոպովը շարունակել է այգու հաշվին ապահովել մոտ 3 հա մակերեսով իր հողամասի տեխնիկական և տնտեսական սպասարկումը։