Ձեր վստահելի աղբյուրը

Քաղաքագետ Արա Պողոսյանը գրում է.

«Ճշմարտության և արդարության քարոզի համար հալածվել, հետապնդվել, դատապարտվել, - սրանք աստվածային կամքի հայտնության նախերգանքն են երկրիս վրա։ Ես գիտեմ, և ես վստահ եմ, որ հայ ժողովուրդը ունենալու է ելք «փարավոնների երկրից»` ստրկությունից։ Ստրկություն, որը այսօր ո'չ միայն մարմնական, այլեւ հոգեբանական են, ստրկություն պղծությանը, ստրկություն չարին և ատելությանը, ստրկություն թշնամուն, ստրկություն կործանման զավակներին...

Հայ ժողովրդի համար Մովսեսը ո‘չ թե միայն իր կենսափիլիսոփայությամբ «Անապատի զավակը» (ճգնության, իմաստնության, արդարության, բարության և աստվածային հայտնության) պետք է լինի, այլև նոր ձևավորված ազնիվների, նվիրյալների և արդարների ընտրանին` էլիտան։

Հ.Գ. Հայաստանում չափազանց դժվար է իրական ու առանց պայմանավորվածությունների ընդդիմություն լինելը։ Սա հալածանքների ու հոգեբանական, ֆիզիկական տանջանքների անվերջություն թվացող մի շղթա է, որի վերջաբանը անխուսափելիորեն պետք է լինի հաղթանակը։

Որովհետև հաղթանակի քաղցրությունը և իրական արժեքը հանուն այդ հաղթանակի կրած զրկանքներն են։

Ու մենք կհասնենք մեր նպատակակետին...»։