Ձեր վստահելի աղբյուրը

YouTube բլոգեր Mrwhosetheboss Արուն Մայնին և DIY Perks ալիքի ստեղծող Մեթյու Փերքսը ստեղծել են հսկա iPhone՝ գրեթե 200 կգ քաշով և ավելի քան 2 մետր բարձրությամբ։ Սարքը ներառվել է Գինեսի ռեկորդների գրքում՝ որպես աշխարհի ամենամեծ սմարթֆոն։

Ըստ բլոգերների,  նախագծի իրականացման համար պահանջվել է մեկ տարի և ավելի քան 100 հազար դոլար: Սարքը 24-միջուկանի Intel Core i9 պրոցեսորի, AMD Radeon RX 6950 XT վիդեո քարտի և 128 ԳԲ օպերատիվ հիշողության վրա հիմնված համակարգիչ է, իսկ սմարթֆոնն աշխատում է Bliss օպերացիոն համակարգով: Սարքն ունի նաև Windows։

Գազետա.ռու-ի հաղորդմամբ, սարքի էկրանը հիմնված է 88 դյույմանոց LG Signature OLED հեռուստացույցի վրա։ Փորձի շրջանակներում բլոգերները նույնիսկ կոտրել են նման էկրաններից մեկը։

Որպես տեսախցիկ  գաջեթի համար օգտագործվել է  Canon EOS R5 և Sony RX10 Mark 4, իսկ ձայնի ելքի համար օգտագործվում է 50 Վտ հզորությամբ ութ բարձրախոս։

Փորձարկելու համար հսկա iPhone-ը, բլոգերը այն դրել է անիվներով հենակի վրա և շրջել Լոնդոնով, զանգահարել  մեկ այլ տեխնոլոգիական բլոգերի, էլեկտրոնային փոստով նամակ ուղարկել Թիմ Կուկին, դիտելով ֆիլմ և զարթուցիչ դրել:

Որպեսզի ռեկորդը գրանցվի Գինեսի ռեկորդների գրքում, սարքը պետք է համապատասխանի որոշակի չափանիշների։ Նախ, այն պետք է լիովին գործունակ լինի. թույլ է տալիս շրջել էջերը, ուղարկել հաղորդագրություններ և նամակներ և գործարկել նույն հավելվածները, ինչ սովորական հեռախոսը: Բացի այդ, սարքը պետք է ունենա աշխատող տեսախցիկ, լապտեր և լիցքավորման պորտ։ Գինեսի  ռեկորդների գրքի  ներկայացուցիչները ստուգել են այս պարամետրերը և վկայական տվել։