Ձեր վստահելի աղբյուրը

«Նախկիններ-ներկաներ, ավելի նախկիններ-ավելի ներկաներ․ այս արհեստական բանավեճը և պայքարը պետք է վերջնականապես դադարեն»,- «Սրբազան պայքար» շարժման կողմից կազմակերպված «Դեպի կայուն և երկարաժամկետ խաղաղություն» խորագրով համաժողովին ունեցած ելույթում ասաց «Սրբազան պայքար» շարժման առաջնորդ Բագրատ արքեպիսկոպոս Գալստանյանը։

Բագրատ Սրբազանը նշեց. «Նախկին կամ ավելի նախկին որևէ փուլի, իրավիճակի կամ ղեկավարման վերադարձը բացառված պետք է լինի մեր կյանքում։ Ի դեպ, ավելի նախկին, քան ներկա իշխանությունը, գոյություն չունի։

Պետք է մեր կյանքից ուղղակիորեն վերացվեն սոցիալական անարադարության որևէ բաղադրիչ։ Օրենքի առաջ բոլորի հավասարությունը Հայաստանում կարող են և պե՛տք է դառնան լիարժեք իրականություն, մեր կյանքի բնականոն բաղկացուցիչը։ Մեր երկրում հարաբերությունները պետք է զարգանան ոչ թե ում ճանաչելու կամ ինչ ունենալու արատավոր սկզբունքով, այլ՝ ով լինելու արժեքով։

Մեր պետության մեջ ժողովրդավարությունը, մարդու իրավունքների պաշտպանությունը, խոսքի ազատությունը, փտախտի (կոռուպցիայի) դեմ պայքարը կարող են և պե՛տք է դառնան իրականություն՝ իրական իրականություն։

Հայաստանում բացառված պետք է լինի քաղբանտարկյալների գոյությունը»։ 

Մանրամասն՝ տեսանյութում։