![](https://panorama.am/news_images/1017/3050188_1/458752265_1056031196525537_8550099329590299336_n_v1.thumb.jpg)
Ս․ Աստվածածնի ծննդյան օրն է
Այսօր Ս․ Աստվածածնի ծննդյան օրն է՝ Ս. Կույս Մարիամի ծնունդն Աննայից։
Qahana.am-ը գրոմ է, որ Ս. Աստվածածնի ծնունդը նկարագրված չէ Աստվածաշունչ մատյանում, այն մեզ փոխանցվել է Եկեղեցու սրբազան ավանդությամբ: Կույսի ծնողները` Հովակիմն ու Աննան երկար ժամանակ երեխա չէին ունենում, քանի որ վերջինս ամուլ էր: Եվ մի օր, երբ Աննան իջնում է պարտեզ՝ աղոթելու, հանկարծ հայտնվում է Տիրոջ հրեշտակը և ավետում, որ զավակ է ունենալու, ում երանի են տալու բոլոր ազգերը: Աննան գոհություն է հայտնում Աստծուն, որ լսեց իր անդադրում աղոթքներն ու խղճաց իրեն:
Նա խոստանում է իր զավակին Աստծուն նվիրել: Նույն այս տեսիլքը երևում է նաև Հովակիմին` հայտնելով բարի լուրը: Ս. Կույսի հայրը նույնպես փառք է տալիս Բարձրյալին այդ մեծ շնորհին արժանանալու համար: Աննան հղիանում է, ունենում մի աղջիկ, ում անվանում են Մարիամ, այսինքն` լուսավորյալ: Նա էր այն ընտրյալն, ում Աստված իր առաքինությունների ու արժանիքների շնորհիվ պատվեց լինել Աստծո մայրը:
Ս. Կույսը տառապեց իր Որդու համար, սակայն երբեք չերկնչեց ու չընդդիմացավ Աստծուն` քաջ գիտակցելով Բարձրյալից իրեն վստահված առաքելության կարևորությունը: Նա առաքինի, հավատավոր մոր, ընտանեկան սրբության պահապանի մարմնացումն է:
Հայ Եկեղեցին Աստվածամոր ծննդյան տոնը հաստատուն կերպով տոնում է սեպտեմբերի 8-ին:
Լրահոս
Տեսանյութեր
![ՀԱՊԿ-ը ստեղծում է սպառնալիքներ ՀՀ անվտանգության, հետագա գոյության, ինքնիշխանության համար. Փաշինյան](https://panorama.am/video_images/18/51318_1/mhm0157671.thumb.jpg)
ՀԱՊԿ-ը ստեղծում է սպառնալիքներ ՀՀ անվտանգության, հետագա գոյության, ինքնիշխանության համար. Փաշինյան
![Փաշինյանը չի բացառել, որ Հայաստանը կարող է գազ ներկրել Ադրբեջանից](https://panorama.am/video_images/18/51350_1/f66eaab61d07c1_66eaab61d0800.jpg)
![Հայաստանի շահերից կբխեր, որ ես չլինեի հայրենասեր. Փաշինյան](https://panorama.am/video_images/18/51332_1/f66ea9922db831_66ea9922db877.jpg)