Ձեր վստահելի աղբյուրը

««13 դասագիրք չի մտել դպրոց» արտահայտությունը կապ չունի իրականության հետ»,- Ազգային ժողովում հայտարարեց ԿԳՄՍ նախարար Ժաննա Անդրեասյանը։

Նա մանրամասնեց, որ 10 դասագրքերի պարագայում, որոնք հիմնականում վերաբերում են օտար լեզուներին և 10-րդ դասարանում նաև «Կենսաբանություն» և «Քիմիա» առարկաներին, գործածվում են նախորդ տարվա դասագրքերը։  Նրա խոսքով, դասագրքերի բացակայություն կա ընդամենը 3 առարկայի պարագայում, որոնցից 2-ը «Համակարգչային գիտություն», «Թվային գրագիտություն» առարկան է տարբեր դասարանների, որտեղ դասագիրքը շատ պայմանական է, որովհետև այդ առարկայի դասավանդման համար շատ ավելի այլ նյութեր են կարևոր։

«Մյուսը՝ 10-րդ դասարանի «Պատմություն» առարկան է, որտեղ չենք ունեցել երաշխավորված դասագիրք և հատուկ այժմ գնում ենք այնպիսի մի եղանակի, որը նաև պատմության ուսուցանումը պետք է դարձնի ավելի արդյունավետ՝ դա անելով ուսումնական նյութերի թղթապանակի միջոցով՝ զարգացնելով երեխաների մտածողությունը»,- ասաց Ժաննա Անդրեասյանը։