Ձեր վստահելի աղբյուրը

«Սահմանազատման գործընթացի կանոնակարգի 5-րդ հոդվածի առաջին ամսով մի կետ կա, որտեղ նշվում է, յասպես կոչված, հատվածական սահմանազատման մասին և այն համարվելու  է համաձայնեցված՝ անկախ նրանից, թե մինչև վերջնական սահմանազատման գործընթացն ինչքան ժամանակ կանցնի»,- ԱԺ հայտարարությունների ժամին ասաց «Պատիվ ունեմ» խմբակցության ղեկավար Հայկ Մամիջանյանը։

Նա բացատրեց, որ մինչև սահմանազատման գործընթացի վավերացումն այդ հատվածները համարվում են սահմանազատված։

«Այլ կերպ ասած՝ Ադրբեջանաը կարող է իրեն հետաքրքրող հատվածների սահմանազատումն իրականացնել, այն համարել ավարտված և այլևս ոչ մի շարունակություն չտալ։ Այն, ինչ տեղի ունեցավ Տավուշի 4 գյուղերի հետ։ Ադրբեջանը պարտադրեց իր կամքը և Հայաստանը կորցրեց 4 գյուղ»,-հայտարարեց Մամիջանյանը։

Պատգամավորն ասաց, որ նույն պատմությունն է նաև խաղաղության պայմանագրի հետ։

«Խաղաղության պայմանագրում սահմանազատման մասին բան չի լինելու, գերիների վերադարձի հետ կապված բան չի լինելու, ինչպես նաև տրանսպորտային հանգույցների հետ կապված և Հայաստանի սուվերեն տարածքում գտնվող ադրբեջանական զինյալների մասին բան չի լինելու։ Բա Հայաստանի շահերի տեսանկյունից դատարակ փաստաթուղթն ընդունում եք, որ ի՞նչ անեք»,-ասաց Մամիջանյանը։

Նա հակադարձեց Նիկոլ Փաշինյանի հայտարարություններին, թե նախկինում տարածքները հանձնված են եղել։.

«2013, 2014, 2015 թվականների ընթացքում Հայաստանի Հանրապետության տարածքն ընդլայնվել է, շուրջ 500 ք/կմ-ով»,- ասաց Մամջանյանը՝ նշելով, որ այն արվել է ի պատասխան հակառակորդի դիվերսիոն գործողությունների և այն արվել է լուռ, ի տարբերություն գործող իշխանության, որը 2020 թվականի տավուշյան գործողությունները ներկայացրեց որպես «Հայրենական պատերազմ»։